Tanınmış tərcüməçinin kitabı çap olundu

Tanınmış tərcüməçinin kitabı çap olundu
16 sentyabr 2022
# 18:45

Tanınmış tərcüməçi, jurnalist, redaktor Tehran Vəliyevin (1954-2015) “Dünya ədəbiyyatından tərcümələr” kitabı işıq üzü görüb. Mədəniyyət Nazirliyinin dəstəyi ilə “Aspoliqraf LTD” nəşriyyatında çapdan çıxan kitabın tərtibçisi və redaktoru Rafiq Vəli İmranoğludur.

Kitabda oxucular Tehran Vəliyevin tərcüməsində dünya ədəbiyyatının korifeyləri – F.S.Fiscerald, E.Heminquey, S.Hill, K.S.Duqqal, C.Coys və S.Kinqin əsərləri, ABŞ-ın sabiq prezidenti Ronald Reyqanın həyat yoldaşı Nensi Reyqanın “İndi növbə mənimdir” xatirə-memuarı ilə tanış olacaqlar. Kitabda Tehran Vəliyevin həyat yolundan da söz açılır, Azərbaycan ədəbi ictimaiyyəti nümayəndələrinin mərhum tərcüməçi haqqında xatirələri yer alıb.

Tehran Vəliyev uzun illər bədii tərcüməçilik və redaktorluq fəaliyyəti göstərib, ingilis dilindən C.D.Selincer, U.Folkner, E.Heminquey, F.S.Fitscerald və başqa yazıçıların əsərlərini, eləcə də rus və türk dillərindən bir sıra siyasi, elmi, pedaqoji ədəbiyyat nümunələrini Azərbaycan dilinə çevirib. O, onlarla kitab, tədris proqramı və məqalələr toplusunun redaktoru olub. Jurnalistika və nəşriyyat işi sahəsində müxtəlif vəzifələrdə işləyən T.Vəliyev 2001-ci ildən ömrünün sonuna – 2015-ci ilədək Mədəniyyət Nazirliyində çalışıb, şöbə müdirinin müavini, sektor müdiri olub.

# 2315 dəfə oxunub

Oxşar xəbərlər

Kris Prat yeni fantastik filmdə baş rola çəkiləcək

Kris Prat yeni fantastik filmdə baş rola çəkiləcək

17:03 20 noyabr 2026
Nadir Bədəlov:  “Azərbaycan kinosu yox, Bakı kinosu var” – MÜSAHİBƏ

Nadir Bədəlov: “Azərbaycan kinosu yox, Bakı kinosu var” – MÜSAHİBƏ

16:32 20 noyabr 2026
Azərbaycan mahnıları ingiliscə, dünya hitləri azərbaycanca

Azərbaycan mahnıları ingiliscə, dünya hitləri azərbaycanca

16:00 20 noyabr 2026
"İstedad israf ediləndə daha erotik olur..."- Amerikalı yazıçının sitatları

"İstedad israf ediləndə daha erotik olur..."- Amerikalı yazıçının sitatları

15:36 20 noyabr 2026
Daşnakların qətlə yetirdiyi yazıçının kitabı nəşr edildi

Daşnakların qətlə yetirdiyi yazıçının kitabı nəşr edildi

15:04 20 noyabr 2026
Ağdamda Qarabağ atlarının şousu keçirildi

Ağdamda Qarabağ atlarının şousu keçirildi

13:31 20 noyabr 2026
Ana səhifə Reels Yazarlar Xəbərlər