Məşhur müğənni kinoya çəkilir

Media

Ana səhifə
Media

Məşhur müğənni kinoya çəkilir

6 avqust 2026

12:20

Amerikalı yazıçı Silviya Platın yarı-avtobioqrafik romanı "Sırça fanus" ("The Bell Jar") əsasında yeni tammetrajlı bədii film çəkilir.

Kulis.az xəbər verir ki, Toronto şəhərində çəkilişləri davam edən filmin baş rolunu – Ester Qrinvud obrazını dünyaca məşhur müğənni Billi Ayliş canlandırır.

Bu ekran işi "Qremmi" və "Oskar" laureatı olan Aylişin böyük kinoda ilk akkrisalıq debütüdür.

"Focus Features" kinostudiyasının istehsalı olan layihənin rejissorluğunu və ssenari müəllifliyini "Oskar" mükafatçısı Sara Polli edəcək.

Film 1950-ci illərdə böyük gələcək vəəd edən, lakin cəmiyyətin təzyiqi və kimlik axtarışları fonunda dərin depressiyaya düşən gənc bir qadının daxili sarsıntılarından bəhs edir.

Filmdə Esterin anası obrazını "Oskar"a namizəd aktrisa Keri Malliqan canlandırır. Aktyor heyətində həmçinin Konnor Storri də yer alıb.

Qeyd edək ki, Silviya Platın 1963-cü ildə işıq üzü görən və psixoloji gərginlikləri mövzu götürən bu məşhur əsəri əsasında ərsəyə gələn filmin 2027-ci ildə nümayiş olunması planlaşdırılır.