Məşhur aktyor 5 illik ömrü qaldığını açıqladı

Media

Ana səhifə
Media

Məşhur aktyor 5 illik ömrü qaldığını açıqladı

8 sentyabr 2026

17:10

Mart ayında xəstəliyinin müalicə oluna bilən, lakin tam sağalmayan bir növ olduğunu elan edən 68 yaşlı məşhur aktyor Brus Kempbell sağlamlıq vəziyyəti haqqında son məlumatları paylaşıb.

Kulis.az xəbər verir ki, o, xərçəng diaqnozundan sonra təxminən 5 illik ömrünün qaldığını və bu prosesi "5 illik razılaşma" kimi qiymətləndirərək ruhdan düşmədən yaşamağa davam edəcəyini açıqlayıb.

Kempbell xərçəngə görə həyatını və işini dayandırmaq niyyətində olmadığını, bu xəstəliklə mübarizə apararaq normal həyatına davam etmək qərarına gəldiyini deyib.

Aktyor bu yaxınlarda ssenarisini yazdığı, rejissorluq etdiyi və baş rolunda çəkildiyi "Ernie & Emma" filminin təqdimat kampaniyasına diqqət yetirdiyini qeyd edib.

O, xərçəngin insana fiziki fəsadlar vurduğunu, lakin psixoloji olaraq "xərçəng quyusu"na düşmək istəmədiyini və bu səbəbdən xəstəlik haqqında lazımsız forumlardan uzaq durduğunu vurğulayıb.