Məhəmməd Füzulinin 530 illiyi qeyd olundu

Məhəmməd Füzulinin 530 illiyi qeyd olundu
7 may 2024
# 11:00

Nizami Gəncəvi adına Milli Azərbaycan Ədəbiyyatı Muzeyinin Xaqani Şirvani adına Aran regional filialı Kürdəmir Peşə Liseyində Məhəmməd Füzulinin 530 illiyi münasibətilə ədəbi-bədii yubiley tədbiri keçirib.

Kulis.az xəbər verir ki, görkəmli bəstəkar Cahangir Cahangirovun bəstələdiyi “Füzuli kantatası”nın sədaları ilə başlayan tədbiri giriş sözü ilə açan N.Gəncəvi adına Milli Azərbaycan Ədəbiyyatı Muzeyinin Aran Regional filialının müdiri filologiya üzrə fəlsəfə doktoru Yaqut Bahadurqızı məclis iştirakçılarını salamlamış, dövrünün bir sıra ictimai və fəlsəfi məsələlərini yüksək formada öz əsərlərində əks etdirən, Yaxın Şərq xalqlarının bədii idrakının zirvəsi olan, XVI əsr ədəbiyyatının möhtəşəm abidələrini yaradan Məhəmməd Füzulinin hyat və yaradıcılığı haqqında məclis iştirakçılara geniş məlumat verib.

Tədbirdə Peşə liseyinin direktoru Nurlan Abdullayev çıxış edərək tədbirin qonaqlarını salamlayıb və dahi şairin yubileyinin liseyin tələbələrinin iştirakı ilə keçirilməsinin gənclərin milli-mənəvi sərvətlərimizə, klassik irsimizə olan marağını artıracağına əminliyini vurğulayıb.

Tədbirdə yazıçı-publisist Əlisəfa Azayev Məhəmməd Füzulinin aforizmlərindən, Kürdəmir rayon İcra Hakimiyyəti Başçısının müavini Vəsilə Əsgərli dahi şairin 500 illik yubileyinin UNESCO tərəfindən qəbul olunmuş qərarla beynəlxalq səviyyədə layiqli şəkildə qeyd edilməsini milli-mədəni dəyərlərin qorunmasına həmişə xüsusi diqqət və qayğı göstərmiş Ümummilli Lider Heydər Əliyevin adı ilə bağlı olduğundan, Füzuli irsinin geniş təbliğ olunmasından bəhs ediblər. Peşə liseyinin tələbələri Füzuli yaradıcılığından nümunələr səsləndiriblər. Tədbirin musiqili qonaqları ustad xanəndə Səfalı Əliyev, tarizan Adil Rəhimovun müşaiyyəti ilə şairin qəzəlləri əsasında muğam parçaları ifa edib. Tədbirdə, eyni zamanda, görkəmli bəstəkar Cahangir Cahangirovun “Füzuli kantatası” səsləndirilib, şairin həyat və yaradıcılığına həsr olunmuş videoçarx nümayiş olunub.

# 917 dəfə oxunub

Oxşar xəbərlər

İlk diabet xəstəsi “Barbie”  istehsal edildi

İlk diabet xəstəsi “Barbie” istehsal edildi

11:36 9 iyul 2025
“Apple Music”də son 10 ilin ən çox dinlənən mahnıları

“Apple Music”də son 10 ilin ən çox dinlənən mahnıları

11:20 9 iyul 2025
Honq Konqda Ronaldo muzeyi  açıldı

Honq Konqda Ronaldo muzeyi açıldı

10:57 9 iyul 2025
"Ayrılıqdan betər dünyada nə var?" - Nigar Rəfibəyli

"Ayrılıqdan betər dünyada nə var?" - Nigar Rəfibəyli

10:34 9 iyul 2025
Aşıq Əhliman insult keçirdi

Aşıq Əhliman insult keçirdi

10:09 9 iyul 2025
"Məhşərdə cavab verməyə kimin üzü var?.."- Sevinc Mürvətqızı

"Məhşərdə cavab verməyə kimin üzü var?.."- Sevinc Mürvətqızı

09:00 9 iyul 2025
# # #