İranda tanınmış aktyor Peyman Cəmşidi nikahdankənar əlaqəyə görə 99 qamçı cəzasına məhkum edilib.
Kulis.az xəbər verir ki, bu barədə "Tages Anzeiger" nəşri məlumat yayıb.
48 yaşlı Cəmşidi zorlama ittihamı üzrə bəraət alsa da, "qanunsuz münasibətlər"ə görə qamçılanacaq. Hökm İranın Ali Məhkəməsinə şikayət edilə bilər. Hələlik məhkəmə orqanlarından heç bir şərh verilməyib.
2025-ci ilin oktyabrında gənc aktrisa kino ulduzundan anonim şəkildə şikayət edib. Qızın müraciətindən sonra aktyor qısa müddətə həbs olunsa da, girov müqabilində sərbəst buraxıldıqdan sonra ölkəni tərk edib. O, irəli sürülən ittihamları rədd edirdi.
Bu hadisə İran kino sənayesində zorakılıqla bağlı ümummilli müzakirələrə səbəb olub, bundan sonra iddiaçı ictimaiyyət qarşısında çıxış edib, Cəmşidi isə İrana qayıdıb.
Qeyd edək ki, İranda nikahdankənar əlaqələr qanunla qadağandır. Ekstremal hallarda zorlama cinayəti törədənlər ən ağır cəzaya (ölüm hökmünə) məhkum edilə bilərlər.
Peyman Cəmşidi kimdir?
Peyman Cəmşidi 10 sentyabr 1977-ci ildə Tehranda anadan olmuş iranlı aktyor və keçmiş peşəkar futbolçudur. O, futbol karyerası ərzində İranın məşhur "Persepolis" klubunda, eləcə də İran milli yığmasında çıxış edib. Futbolla vidalaşdıqdan sonra kino və televiziya sahəsinə keçid edən Cəmşidi qısa müddətdə böyük uğur qazanıb. Öz həyatından bəhs edən "Peyman" serialındakı rolu, həmçinin "Texas", "Dinamit" və "Yaxşı, pis, kobud" kimi filmlərlə ölkə kinosunun ən populyar və kassa gəliri gətirən aktyorlarından birinə çevrilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər