"Harry Potter" yenidən kinoteatrlara qayıdır

Media

Ana səhifə
Media

"Harry Potter" yenidən kinoteatrlara qayıdır - Xüsusi rəqəmsal formatda

6 avqust 2026

13:50

"Harry Potter" kino silsiləsi böyük ekrana çıxmasının 25 illik yubileyi münasibətilə bütün filmləri ilə yenidən kinoteatrlara qayıdır.

Kulis.az xəbər verir ki, "HBO" istehsalı olan yeni serial layihəsindən əvvəl kinosevərlər əfsanəvi sehrbazlıq aləminin bütün macərasını xüsusi rəqəmsal formatda izləmək imkanı əldə edəcəklər.

Silsilənin Kris Kolumbus tərəfindən ekranlaşdırılan ilk filmi – "Harry Potter and the Philosopher's Stone" (Harri Poter və fəlsəfə daşı) Daniel Redkliff, Rupert Qrint və Emma Uotson kimi ulduzları dünya kinosuna qazandırmaqla yanaşı, Robbi Koltreyn, Riçard Harris, Alan Rikman və Meqqi Smit kimi ustad aktyorların ifaları ilə yaddaqalan olmuşdu.

Daha sonra silsilə şəklində davam edən və ümumilikdə 7.78 milyard dollardan çox gəlir əldə edərək rekord göstəriciyə imza atan film seriyası avqustun 27-dən sentyabrın 3-dək "Regal" kinoteatrlar şəbəkəsində yenidən nümayiş olunacaq.