Ermənistanda kilsənin “Şoqakat” televiziya kanalı bağlana bilər.
Kulis.az APA-ya istinadən xəbər verir ki, bu barədə "Joxovurd" məlumat yayıb.
Məlumata görə, Ermənistanda “Audiovizual media haqqında” qanuna dəyişiklik layihəsi hazırlanır. Layihəyə əsasən, ictimai yayım statusuna malik televiziya kanallarının sayı 3-dən 2-yə endirilə bilər. Bu kanallar arasında kilsəyə məxsus “Şoqakat” kanalı da var və layihənin həmmüəllifi Taqui Kazaryan kanalın bağlanmasını istisna etməyib.
Kazaryan bildirib ki, bir neçə il ərzində dövlət bu televiziya kanalını heç bir müsabiqə aparmadan maliyyələşdirib. Hesab edilir ki, vəsaitlər daha səmərəli istifadə oluna bilər: “Məncə, bu vəsaitlər müsabiqələr yolu ilə müvafiq məzmunlu proqramların sifarişi üçün xərclənə bilər, həmin müsabiqələrdə “Şoqakat” da iştirak edə bilər”.
Qeyd edək ki, müxalifət nümayəndəsi Lilit Qalstyanın kanalın maliyyəsinin yarısını kilsənin ödəməsi barədə arqumentlərini inandırıcı saymayıb və “Şoqakat”ı müxalifətin yürüş və mitinqlərini işıqlandırmaqda ittiham edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər