Əməkdar artist Elza Seyidcahan televiziya aparıcısı Zaur Nəbioğlunu məhkəməyə verib.

Kulis.az xəbər verir ki, bu barədə Lent.az-a müğənninin özü açıqlama verib.

Elza Seyidcahanın dediyinə görə, aparıcı onun şeirində işlətmədiyi təhqiramiz ifadəni verilişdə səsləndirib:

• Yadigar Muradovun vəziyyəti ağırlaşdı
• Ankarada Əhməd Cavadın xatirəsi yad edildi
• “Vəlinin yerinə Əlini qoymaqla nə dəyişəcək?” – Rasim Balayevdən sərt tənqid

“Əməkdar artist olaraq xalqım və dövlətim qarşısında hansı məsuliyyət daşıdığımın fərqindəyəm. Yazdığım şeirdəki ifadələrin mənasını kimlərsə anlamırsa, bu, mənim günahım deyil. Lakin mənim, ümumiyyətlə, yazmadığım bir sözün adıma çıxarılması qətiyyən doğru deyil.

Bu məsələnin aydınlaşdırılması üçün aparıcını məhkəməyə verdim, qanun-qayda var. Qoy, şikayətçi olduğum şəxs gəlib məhkəmədə nə üçün belə davrandığını açıqlasın. İndiyə kimi insanların bir çox məsuliyyətsiz hərəkətlərinə dözümlü davrandım. İndi isə hesab edirəm ki, onlar qanun qarşısında cavab versinlər”.

Elza Seyidcahan kimdir?

Elza Seyidcahan 7 iyul 1968-ci ildə Siyəzən şəhərində anadan olub. 2009-cu ildən Azərbaycan Respublikasının Əməkdar artistidir. 17 fevral 2022-ci ildə Qırğızıstan Bəstəkarlar İttifaqının üzvü seçilib.

• Yadigar Muradovun vəziyyəti ağırlaşdı
• Ankarada Əhməd Cavadın xatirəsi yad edildi
• “Vəlinin yerinə Əlini qoymaqla nə dəyişəcək?” – Rasim Balayevdən sərt tənqid