Amerikalı müğənni və aktyor Castin Timberleyk konsert zamanı tamaşaçılardan həddindən artıq oxumağı istədiyi üçün sosial mediada tənqid olunub.
Kulis.az xəbər verir ki, ifa zamanı Timberleykin bəzi mahnılarını mikrofonu tamaşaçılara uzadaraq onların oxumasına şərait yaratması bəzi fanatların narazılığına səbəb olub.
Sosial şəbəkələrdə yayılan görüntülərdə sənətçinin dəfələrlə mahnının sözlərini özü əvəzinə tamaşaçılara oxutdurduğu müşahidə olunur. Bu hal bəzi izləyicilər tərəfindən “tənbəllik” və “peşəkarlıqdan uzaq davranış” kimi dəyərləndirilib.
Konsertin iştirakçılarından biri isə çəkdiyi videonu “Dostum bir gün səhnədə istirahət etdi” başlığı ilə sosial mediada paylaşıb.
Bununla yanaşı, bəzi pərəstişkarlar Timberleyki müdafiə edərək, tamaşaçılarla bu cür interaktiv münasibətin canlı ifaların təbii və vacib elementi olduğunu bildiriblər.
Qeyd edək ki, Timberleyk Rumıniyada keçirilən "Electric Castle" festivalında səhnəyə çıxıb.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
