Əməkdar incəsənət xadimi Vəcihə Səmədovanın yeni üzə çıxan əsəri üçün verilmiş Uyğunluq Sertifikatının saxta olması iddiası ilə bağlı Milli İncəsənət Muzeyinin tabeliyində fəaliyyət göstərən Dövlət Ekspert Komissiyasında xüsusi geniş tərkibli iclas keçirilib.
Kulis.az xəbər verir ki, komissiyanın iclasında xalq rəssamları, professor və sənətşünaslıq üzrə fəlsəfə doktorları, eləcə də Vəcihə Səmədovanın ailə üzvləri iştirak ediblər.
Vəcihə Səmədovanın qızı Fatimə Feyzullayeva əsərin başqa bir müəllifə məxsus olduğu fikrini müdafiə edib.
O bundan öncə qardaşı oğlu Aqşin Mirfeyzullayevin də bu əsərin başqa bir müəllifə məxsusluğu ilə bağlı fikirlərinin dəyişmədiyini bildirib.
Səsvermə nəticəsində komissiya əsərin Vəcihə Səmədovaya məxsusluğunu növbəti dəfə təsdiqləyib.
Qeyd edək ki, bir müddət öncə Vəcihə Səmədovanın nəvəsi rəssam Aqşin Mirfeyzullayev Milli İncəsənət Muzeyinin ekspert komissiyasının rəsm əsərini araşdırmadan ona uyğunluq sertifikat verməsi barədə iddia irəli sürüb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
