İtalyan memar tərəfindən hazırlanmış Ağdam və Füzuli rayonlarının maketi nümayiş olunub.

APA xəbər verir ki, nümayiş “Qarabağın Bərpa, Yenidənqurma və İnkişafı” ‒ “Rebuild Karabakh” sərgisi zamanı baş tutub.

Mədəniyyət Nazirliyinin İctimaiyyətlə əlaqələr şöbəsinin müdiri vəzifələrini icra edən Nuridə Allahyarova sözügedən eskizlər barədə məlumat verib: "Maketlər, demək olar ki, 98 faizlik dəqiqliklə hazırlanıb. Burada Füzulinin işğal, Ağdamın isə həm işğal, həm də zəfərdən sonrakı formalarını görə bilirik. Ağdam və Füzulidə elə abidələr var ki, onların pasportlaşdırılması zamanla çox çətin idi və üstəlik, əlimizdə həmin abidələrin görüntüsü çox az idi, yaxud heç yox idi. Ağdamın özündə elə abidələr var ki, həddən artıq dağıntıya məruz qalıb. Bu abidələrin bərpası, sözsüz, çətinliklə başa gəlir. Bax bu maketdə həmin dağıntıların da nümayişi var. Və bu dünyaya erməni vandalizmini sübut etmək üçün, bir növ, vasitədir".

Sərgidə "Şuşa" kataloqunun üç dildə nəşr olunmuş versiyası da nümayiş edilib.

Qonaqlar, həmçinin viral eynək vasitəsilə işğaldan azad olunmuş ərazilərə də virtual səyahət edə biliblər.

• Məğlubiyyət kompleksi, yenilmək utancı - Sevgi şeirlərində müharibə dilində danışan şair
• “Müfəttiş” Azərbaycan Dram Teatrında
• "Cəmiyyətdə danabaşlaşma halları çoxalmağa başlayıb"