"Hamı bilir ki, korrupsiyanın qarşısını almaq qeyri-mümkündür. Azərbaycan incəsənətində, mədəniyyətində isə rüşvət dəhşətli dərəcədədir."
Kulis.az xəbər verir ki, bu sözləri Xalq artisti Afaq Bəşirqızı deyib.
Onun sözlərinə görə, Azərbaycan incəsənətində güclü nepotizm mövcuddur:
"Vəzifəyə gətirilən hamı, əmi-dayı kriteriyaları ilə gətirilir. Bunu biz hamımız bilirik, sadəcə, qeyrətimiz yoxdur deməyə. Bundan artıq zərbə nə ola bilər? Bəlkə, hansısa festivallara gedirik, bəlkə, hansısa mükafatlar alırıq və ya hansısa bir aktyorumuza gün ağlayırıq?
Aktrisa qeyd edib ki, Xalq artistlərinin çoxu aldıqları statusa layiq deyil:
"Ələsgər Ələkbərov, Hökümə Qurbanova, Mustafa Mərdanov... onlar hamısı o vaxt SSRİ xalq artisti adı alıb. Bu Oskardan da yüksək bir şeydir. Xalq artisti olmaq hələ insan olmaq demək deyil. Xalqın boynuna qoyurlar ki, bu sənin Xalq artistindir. Bu sənin qəhrəmanındır, bu sənin liderindir. Xalq bunu tanımır e. Xalq haradan tanısın? Xalqın heç xəbəri yoxdur. Elə həyasızlar var ki, adı aktyordur, amma hələ indiyə qədər bir dənə rola möhür vurmayıb. Çünki heç kəs öz yerini acı etmək istəmir. "Şöhrət" ordeni gözləyirlər, "Xalq artisti" gözləyirlər, "İstiqlal" ordeni gözləyirlər... teatra direktor keçməyi gözləyirlər. Əşi, yeyən yeyib getdi. İndi də sən gəl."
Afaq Bəşirqızı: "Qeyrətimiz yoxdur bunları deməyə..."
Oxşar xəbərlər
"Titanik"in orijinal ssenarisi hərraca çıxarıldı - Ulduzların imzası olan nüsxə satıldı
16:33
15 iyun 2026
“15 iyun – Milli Qurtuluş Günü” adlı virtual sərgi istifadəçilərə təqdim olundu
14:49
15 iyun 2026
Məşhur televiziya ulduzu 100 yaşında dünyasını dəyişdi
13:05
15 iyun 2026
32 yaşlı müğənni faciəvi şəkildə vəfat etdi
11:40
15 iyun 2026
Azərbaycanda Milli Qurtuluş Günü qeyd olunur
10:03
15 iyun 2026
“Mən istərdim Arif qala, mən gedəm...” – Hüseyn Arifin ən böyük dərdi
10:00
15 iyun 2026