Milyonlarla oxucunun sevdiyi romanın davamı nəhayət, işıq üzü görüb.
Kulis.az xəbər verir ki, “Zaman səyyahının arvadı” əsərinin müəllifi Odri Niffenegger 14 illik yaradıcılıq prosesindən sonra “Qaydasız həyat” adlı yeni romanını oxuculara təqdim edib.
Əsər orijinal romanın qəhrəmanları Henri və Klerin qızı Albanın həyatından bəhs edir; o da atasından zaman səyahəti qabiliyyətini miras alıb.
2003-cü ildə nəşr olunan ilk roman zaman səyahətini məhəbbət, seçim və taleyin qaçılmazlığı ilə birləşdirirdi. Yeni əsər isə daha geniş miqyaslı gələcək təsviri yaradır. Niffenegger uzun yazı prosesi zamanı təsəvvür etdiyi siyasi və sosial gərginliklərin bir qisminin real həyatda da özünü göstərdiyini deyib.
Romanın dünyasında ekoloji fəlakət təhlükəsi, siyasi iğtişaşlar və gələcəklə bağlı narahatlıqlar mühüm yer tutur. Beləliklə, əvvəlki əsərin mərkəzindəki romantik münasibət bu dəfə daha böyük ictimai suallarla əvəzlənir. İlk romanın davamını illərlə gözləyənlər üçün bu, həm nostalji, həm də gözlənilməz dəyişiklik deməkdir.
Ana səhifə
Reels
Yazarlar
Xəbərlər