Tarixçi Bet Lyu-Uilyams 2026-cı il Kandil Tarix Mükafatının qalibi olub.
Kulis.az xəbər verir ki, o, ABŞ-ın qərbində çinli miqrantların üzləşdiyi ayrı-seçkiliyi araşdıran “"Çinli Con Doe: Amerika irqi qanunları altında çinlilərin həyatına dair unudulmuş tarix” kitabına görə 75 min ABŞ dolları mükafat qazanıb.
Prinston Universitetinin professoru olan müəllif XIX əsrin ortalarından XX əsrin əvvəllərinə qədər qəbul edilən qanunları, məhkəmə sənədlərini, miqrasiya qeydlərini və şəxsi hekayələri araşdırıb. Kitabda çinli icmaların hüquqi məhdudiyyətlərə qarşı necə mübarizə apardığı və həyatlarını qorumaq üçün hansı yollara əl atdığı göstərilir.
Mükafatın münsifləri əsəri tarixi sənədlərdən istifadə üsuluna və diqqətdən kənarda qalmış insanlara fərdi kimliklərini qaytarmasına görə yüksək qiymətləndiriblər. Kitabın müasir miqrasiya və vətəndaşlıq mübahisələri fonunda da aktual olduğu vurğulanıb.
Ana səhifə
Reels
Yazarlar
Xəbərlər