"Marvel" pərəstişkarlarını sevindirən xəbər var: Piter Kvil, yəni Star-Lord yenidən ekranlara çıxacaq.
Kulis.az xəbər verir ki, obrazı canlandıran Kris Prat qəhrəmanın Marvel kino kainatına qayıdacağını təsdiqləyib.
Aktyorun sözlərinə görə, "Marvel" rəhbərliyi ilə, o cümlədən studiyanın əsas simalarından Kevin Fayqi ilə bu istiqamətdə müzakirələr aparılıb. Ancaq Star-Lordun hansı filmdə görünəcəyi və yeni layihənin nə vaxt çəkiləcəyi hələ açıqlanmayıb. "Marvel" də onu “Avengers: Doomsday” filminin elan olunmuş aktyor heyətinə daxil etməyib.
Kris Prat sonuncu dəfə 2023-cü ildə nümayiş olunan “Guardians of the Galaxy Vol. 3” filmində bu obrazı canlandırmışdı. Filmin son səhnələrində Star-Lordun geri dönəcəyi barədə eyham var idi. İndi aktyorun açıqlaması həmin ehtimalı daha real edir. Bununla belə, tamaşaçılar konkret film adı və rəsmi nümayiş tarixi barədə məlumat üçün gözləməli olacaqlar.
Ana səhifə
Reels
Yazarlar
Xəbərlər