Türkiyənin Nevşehir şəhərinin Ürgüp mahalına bağlı Taşkınpaşa kəndində adi odunxana kimi görünən qayaya oyulmuş tikilinin təxminən 600 illik ibadət yeri olduğu aşkarlanıb.
Kulis.az xəbər verir ki, abidə Hacı Bektaş Vəli Universitetinin (NEVÜ) sənət tarixçiləri tərəfindən aparılan səth tədqiqatları zamanı aşkar edilib.
Abidənin quruluşu islam sivilizasiyasını əks etdirən fərqli daş işlənməsi və memarlıq elementləri ilə seçilir.
Qeyd edək ki, tədqiqatçılar abidəni təsadüf nəticəsində - tamamilə ağacla dolu olan strukturu təmizləyərkən qurbangahı və digər memarlıq detallarını aşkar ediblər.
