Bu gün dünya şöhrətli kanadalı aktyor, komediya ustası Cim Kerrinin doğum günüdür.
Kulis.az onun məşhur aforizmlərini təqdim edir.
Həyat sizə qarşı olmur; sizin üçün baş verir.
***
İçinə diqqətlə baxdıqda, hər şeyə artıq sahib olduğunu görəcəksən.
***
Məsələ budur: Bu dünya bizim deyil. Bizim xüsusi bir əhəmiyyətimiz yoxdur. Və bu, əslində, yaxşı xəbərdir.
***
Həyatın boyu iki seçimin olacaq: sevgi ya da qorxu. Sevgini seç.
***
Tanrım, bir gün bütün insanlara istədikləri qədər pul ver ki, əsl ehtiyaclarının bu olmadığını anlaya bilsinlər.
***
Məncə, hər kəs zəngin və məşhur olmalı, bütün xəyallarını gerçəkləşdirməlidir… Bunun cavab olmadığını anlamaq üçün.
***
Biz burada bir-birimizə, bizdən daha böyük bir varlığın parçası olduğumuzu xatırlatmaq üçün varıq.
***
"Mən" deyilən bir şey yoxdur.
***
Nəticədə bu, bizə müvəqqəti verilmiş və geri qaytarılmalı olan bir şey idi.
***
Həyat necə gedir? Bəli, çox gözəldir. Xüsusilə, ondan məhrum olduğumda.
***
Mənə verilən və "bədən" adlanan bu vasitə ilə yaradılışı təcrübə edərkən, dərimin bitdiyi yerdə mənim də bitdiyimi sanırdım.
***
Biz də o çiçək kimiyik. Hər birimiz insanlıq bağçasında möcüzəvi bir çiçəyik.
***
Məncə, bəzən insanlar tamamilə yaratdıqları obrazların içində yaşayır və ondan necə çıxacaqlarını bilmirlər.
***
Və sonunda bu gerçək olur; məni doyurmayacağını bilə-bilə davam etdirdiyim o qorxunc axtarışa son verə bilirəm.
