"Oskar" mükafatlı rejissor Kristofer Nolanın böyük maraqla gözlənilən "The Odyssey" filmi kassada tarixi uğura imza atdıqdan sonra rəqəmsal platformalarda nümayiş olunacağı tarix bəlli olub.
Kulis.az xəbər verir ki, 250 milyon dollar büdcəsi olan ekran işi dünya üzrə təxminən 1,8 milyard dollar gəlir əldə edərək "R" kateqoriyalı (böyüklər üçün) filmlər arasında bütün dövrlərin rekordunu qırıb və "Deadpool & Wolverine" ekran əsərini geridə qoyub.
"Oppenheimer" filminin izi ilə gedən və cari "Oskar" yarışında texniki nominasiyalarla yanaşı baş rolu canlandıran Mett Deymonun "Ən yaxşı aktyor" kateqoriyasında əsas namizədlərdən biri kimi göstərildiyi layihə tezliklə evlərimizə qonaq olacaq.
"Universal" studiyasının verdiyi məlumata görə, film 17 noyabr tarixindən etibarən "Prime Video" və "Apple TV" kimi platformalarda izləyicilərə təqdim olunacaq.
Qeyd edək ki, rejissorun növbəti layihəsinin isə uzun zamandır maraq göstərdiyi qorxu janrında olacağı iddia edilir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər