Tanınmış ingilis müğənni Ed Şeran ABŞ turnesində repçi Maklemorun "Azad Fələstin" açıqlamasından sonra yaranan boykot və müzakirələrin ardınca çıxış etdiyi ilk konsertdə uzun gərginlikdən sonra sükutunu pozub.
Kulis.az xəbər verir ki, daha əvvəl siyasi məsələlərdə bitərəf qalmağa üstünlük verən sənətçi ABŞ-nin Filadelfiya şəhərindəki konsertində İsrail-Fələstin münaqişəsi ilə bağlı ilk dəfə birbaşa açıqlama verib.
Şeran Qəzzadakı vəziyyətin "fəlakət miqyasında, əsaslandırıla bilməz və qeyri-mütənasib" olduğunu bildirib. İngilis müğənni deyib: "Mülki şəxslərin və uşaqların həyatını itirmə miqyası ürəyimizi parça-parça edir. İcmalarımızın gözü qarşısında İordan çayının qərb sahilində baş verən sistemli ədalətsizlik görməməzlikdən gəlinə bilməz."
Qeyd edək ki, yaşanan gərginliklər səbəbindən turnedə yer alan 4 dəstək sənətçisi, o cümlədən Finneas qrupdan ayrılıb, konsert öncəsi isə stadion ətrafında Fələstinə dəstək aksiyası keçirilib.
Ana səhifə
Reels
Yazarlar
Xəbərlər