Dövlət Təhlükəsizliyi Xidmətinin Mədəniyyət Mərkəzində Əməkdar artist Aybəniz Haşımovanın konsert proqramı təşkil edilib.
Kulis.az xəbər verir ki, tədbir Üzeyir Hacıbəylinin 140 illiyinə həsr olunub və həm musiqi performansı, həm də milli-mədəni irsin səhnədə aktuallaşdırılması baxımından diqqət çəkib.
Konsertdə klassik musiqi ilə yanaşı, arxiv kadrları da nümayiş etdirilib. Xüsusilə Heydər Əliyev və İlham Əliyevin fəaliyyətlərini əks etdirən görüntülər musiqi ilə sinxron təqdim olunub. Bu yanaşma tamaşaçılarda həm emosional, həm də tarixi qavrayış yaradıb.
