Cem Yılmazın imzasını daşıyan "GORA" filminin davamı olan "GORA 4 GORA" həyəcanla gözlənilir. Rəqəmsal platformada yayımlanacaq serialın çəkilişləri bütün sürəti ilə davam edir.
Kulis.az xəbər verir ki, aktyorun həm ssenarisini qələmə aldığı, həm də rejissor kürsüsündə oturduğu layihənin aktyor heyətində Bige Önal, Bora Akkaş, Burak Şafak, Bülent Şakrak, Can Yılmaz, İdil Sivritepe, Necip Memili, Nevcan Su Özel, Okan Çabalar, Özge Özberk, Uraz Kaygılaroğlu və Zafer Algöz kimi sənətçilər yer alır.
Arifin həm oğlunun hörmətini yenidən qazanmaq, həm də Demonun alqoritmlərlə idarə etdiyi tiranlığı yıxmaq üçün yeni bir səyahətə çıxmasından bəhs edən ekran işinin çəkiliş meydançasından kadrları Cem Yılmaz sosial şəbəkə hesabında izləyiciləri ilə bölüşür.
Ötən həftə Ahu Yağtu ilə evliliyindən dünyaya gələn oğlu Kamalın çəkiliş meydançasına gəldiyi və rejissor kürsüsündə oturduğu andan bir kadr yayımlayan aktyor bu dəfə kulisdən paylaşım edib. Kulisdən çəkdiyi fotoda səhnəöncəsi hazırlıq prosesini nümayiş etdirən məşhurun bu paylaşımı böyük marağa səbəb olub və şəkildəki yadplanetli maskaları diqqət çəkib.
Altı bölümdən ibarət olacağı deyilən və maraqla gözlənilən "GORA 4 GORA"nın yayım tarixi isə hələ açıqlanmayıb.
