QARDAŞIM RAFİQ TAĞIYA
(Rafiq Tağının vəfatını ailə üzvləri onun yaşlı anasından gizlədirlər, ananın bu faciəli xəbərə dözə bilməyəcəyini bilirlər .Ona, Rafiqin əsərlərinin dərciylə bağlı xaricə, Londona getdiyi söylənilir...)
Xoşun gəlməzdi sənin
yalançı adamlardan,
mənsə, yalançı xislətimi açdım qoydum ortaya
sən gedəli "L
ondona"...
çeşidli yalanlar uydururam
gitarada improvizələr etdiyim kimi,
bilirəm, "sən necə adamsan?!"-deyə
söyəcəksən məni
yalanlarıma görə...
utanıb-qısılacam,
xəcalətimdən öləcəm "Londonda"
çox danlayacaqsan məni...
axırı dözməyib danışacam,
qəzəbini boğub dinləyəcəksən,
...anamın səni necə sevdiyii
yadına salacağam,
elə biz də onu sevərəkdən
səni öldürmədik, "mühacirətə" göndərdik deyəcəyəm.
axı mən sənə demişdim,
xəstəxanadan çıxıb
bu ölkədən getməliydin.
buna razı deyildin,
amma bu dəfə
susub-gülümsəmişdin...
ölümündən sonra mən bunu
razılıq kimi başa düşdüm
amma nədənsə "Londonla" telefon əlaqəsi
yarada bilmirik
"başı qarışıb yaman yeni kitabının nəşrinə"
anama deməkdəyik
əslində,biz hamımız
görüşə tələsdiyimiz halda
anama imkan vermədik
gələ sənin görüşünə
"Londona"
dörd əllə yapışıb qoymadıq
yalanlar uydurduq...
biləndə ki, anamı yaşatmaqçün uydurmuşuq yalanları
bağrına basacaqsan məni,
kövrələcəksən,
sonra, hönkürüb ağlayacaqsan
"Londonda"
çeşidli yalanlar uydururam
gitarada improvizələr etdiyim kimi,
bilirəm, "sən necə adamsan?!"-deyə
söyəcəksən məni
yalanlarıma görə...
utanıb-qısılacam,
xəcalətimdən öləcəm "Londonda"
çox danlayacaqsan məni...
axırı dözməyib danışacam,
qəzəbini boğub dinləyəcəksən,
...anamın səni necə sevdiyii
yadına salacağam,
elə biz də onu sevərəkdən
səni öldürmədik, "mühacirətə" göndərdik deyəcəyəm.
axı mən sənə demişdim,
xəstəxanadan çıxıb
bu ölkədən getməliydin.
buna razı deyildin,
amma bu dəfə
susub-gülümsəmişdin...
ölümündən sonra mən bunu
razılıq kimi başa düşdüm
amma nədənsə "Londonla" telefon əlaqəsi
yarada bilmirik
"başı qarışıb yaman yeni kitabının nəşrinə"
anama deməkdəyik
əslində,biz hamımız
görüşə tələsdiyimiz halda
anama imkan vermədik
gələ sənin görüşünə
"Londona"
dörd əllə yapışıb qoymadıq
yalanlar uydurduq...
biləndə ki, anamı yaşatmaqçün uydurmuşuq yalanları
bağrına basacaqsan məni,
kövrələcəksən,
sonra, hönkürüb ağlayacaqsan
"Londonda"
08.01.2012
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
