Yaşadığım xatirə, ya köhnə əfsanədir?
Bilə bilmirəm, amma dənizdən tüstü qalxır.
Qağayı gülüşləri boğulur göy sularda,
Xəyallar itgin düşür, ümidlər təlatümdə,
havada uğultu var.
Suya daşınmaq olmur, oddan yapışmaq olmur,
adamlar darda, darda...
Alovu gücləndirir, dalğaları böyüdür
dəli kimi rüzgar da.
Tanrının əllərinə heç kimin əli çatmır,
Dənizdə qayıq aşır, gün batır, külək yatmır.
Az sonra uşaqların gözləri böyüyəcək,
dərinlikləri görsün,
Analar dizlərinə-dizlərinə döyəcək.
Qərənfil yağışları yağacaq sahillərə,
Qadınlar tək çıxacaq ömür yolu illərə,
Göylərə çəkiləcək qızların gülüş payı,
Sabahdan boş qalacaq
hər evdə bir çarpayı...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
