Kulis.az həftəsonu izləyə biləcəyiniz 5 filmi təqdim edir.
1. “Saving Private Ryan (1998)” IMDb: 8.8 - (Sıravi Rayanı xilas etmək)
Filmdə dörd oğlu olan ananın bütün uşaqları İkinci Dünya Müharibəsi illərində hərbi xidmətdədir. Bir gün, o, üç oğlunun ölüm xəbərini alır. Üç oğlunun ölümündən dərin sarsıntı keçirən və ağır yaralanan ananın yeganə arzusu dördüncü oğluna sağ-salamat qovuşmaqdır. İndi Amerika ordusunun yalnız bir missiyası var, qadının sağ qalan oğlunu tapıb anasının yanına gətirmək. Prezidentin verdiyi əmrlə səkkiz əsgərdən ibarət qrup Ryanı xilas etmək üçün böyük mübarizəyə girir.
(Janr: Dram, Müharibə)
2. “The Banshees of Inisherin” (2022) IMDb: 7.7
İlin ən çox danışılan filmlərindən biri olan və “Oskar” qazana bilmədiyi üçün çoxlu pərəstişkarının üzüldüyü filmdə baş rolları Colin Farrell, Brendan Gleeson, Kerry Condon və Barry Keoghan oynayır. Tamaşaçılardan tam qiymət alan film İnişer adasında yaşayan Kolmun birdən-birə dostu Padrik ilə daha dost olmaq istəməsi və bu hadisənin bu iki dost və adalılar üzərindəki təsirlərindən bəhs edir. İki dostun hekayəsi vasitəsilə Martin McDonagh, unudulma ideyası ilə mübarizə aparmağa məcbur olan və eyni zamanda həyatı diqqətlə araşdırmağa və onu idarə edən saysız-hesabsız mənasızlıqlarla mübarizə aparmağa davam edən adi insanın hekayəsi filmdə göstərilir. 1923-cü ildə İrlandiya vətəndaş müharibəsinin sonunda tənhalıq, eqo, ölüm və depressiya kimi mövzularla boğuşduqları üçün ikilinin ixtilafı tezliklə daha çox nəzarətdən çıxır.
(Janr: Komediya, Dram)
3. “Joker” (2019) IMDb: 8.4 - (Coker)
“Joker” uğursuz komediya aktyoru Artur Flekin həyatından bəhs edir. Cəmiyyətin bəyənmədiyi Artur həyatda tək qalıb. Gündüzlər dolanmaq üçün təlxək maskası taxan Artur gecələr üzündən silib ata bilməyəcəyi maska taxır. Atasız böyüyən Arturun qoca anası ona Happy(xoşbəxt) deyir. Anasının bu çağırışı Artura daxili ağrısını gizlətməyə kömək edir. Tədricən məruz qaldığı zorakılığa görə şəxsiyyətindən uzaqlaşan Artur, Joker xarakterini alır. 2019-cu ilin filmləri arasında kassada ən çox uğur qazanan və Joker filmləri arasında ən populyar olan bu istehsalı mütləq izləməlisiniz.
(Janr: Dram)
4. “The Age of Adaline” (2015) IMDb:7.2 - (Adalin dövrü)
Dövr dəyişəndə doğulan Adaline Bovman, qəza nəticəsində heç vaxt qocalmamaqla "mükafatlandırılır". 29 yaşından qocalmamağa başlayır və illərlə insanlardan mümkün qədər uzaqda təcrid olunmuş həyat sürməli olur. Bu prosesdə o, təkbaşına dünyanın fövqəladə dəyişməsinin şahidi olur və onun çətinliyini yalnız dəf etməyi bacarır. Bu tənhalıq onun xarizmatik Ellis Consla tanış olmasına qədər davam edir... Ellis Cons Adalineya həyatı həqiqətən yaşamağın necə bir hiss olduğunu xatırladır və bir addım da irəli gedərək onun əsl sevgini yaşamasına imkan verir. Adaline gəncin ailəsi ilə keçirdəcəyi bir həftəsonunda sirrinin açılması təhlükəsi ilə üzləşdiyində həyatını həmişəlik dəyişəcək bir qərar verir...
(Janr: Fantastika, Romantika, Dram)
5. “Nocturnal Animals” (2016) IMDb: 7.5 (Gecənin havadarlığı)
Suzan Morrou yazıçı əri Edvard Şeffildi 19 il əvvəl tərk edib. İkinci evliliyində həkim arvadı kimi adi həyat sürür. Bir gün , o, poçt qutusunda keçmiş həyat yoldaşının heç vaxt çap olunmamış ilk romanının qaralamasını tapır. Keçmiş həyat yoldaşı onun fikrini soruşur. Syuzan keçmiş həyat yoldaşı, riyaziyyat professoru Toninin ailəsi ilə səyahətə çıxmasından bəhs edən “Nocturnal animals” adlı bu kitabı əlindən yerə qoya bilmir. Kitabın baş qəhrəmanı Toninin həyatı qarışıqlığa çevrildikcə, Suzan keçmişini xatırladır. Bu təhlükəli hislər onun gələcəyini məhv edir və həyatını dəyişir.
(Janr: Triller, Dram)
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
