Kulis.az Xocalı faciəsindən bəhs edən Azərbaycan filmlərini təqdim edir:

“Fəryad” Qarabağ müharibəsindən bəhs edən ən təsirli filmlərdən biridir. Real faktlar əsasında ekranlaşdırılan filmin rejissoru Ceyhun Mirzəyev, ssenari müəllifi Xalq artisti Vaqif Mustafayevdir. Filmdə baş rollarda Ceyhun Mirzəyev, Məlik Dadaşov, Hacı İsmayılov, Sənubər İskəndərli çəkilib.

“Haray” bədii filmi də Xocalı faciəsi haqqındadır. Filmdə bacı-qardaşın düşmən əhatəsindən çıxmaq üçün olmazın əzablara qatlaşmalarından bəhs olunur. Filmin çəkilişlərinə Xocalıda baş verən faciədən üç ay sonra başlanıb. Filmin rejissoru Əməkdar incəsənət xadimi Oruc Qurbanov, ssenari müəllifləri isə Nüşabə Məmmədova və Eldəniz Quliyevdir.

1998-ci ildə rejissor Mərahim Fərzəlibəyovun Ağarəhim Rəhimovun ssenarisi əsasında ekranlaşdırdığı “Qırmızı qar” filmində də o dəhşətli gecədə Xocalıdan əsir düşən şəxslərin başlarına gətirilən işgəncələrdən bəhs olunur. Filmdə baş rollarda Xalq artistləri Məleykə Əsədova, Sabir Məmmədov, Hüsniyyə Mürvətova çəkilib.

2012-ci ildə ekranlaşdırılan “Xoca” bədii filmi də Xocalıda və Bakıda cərəyan edən hadisələrdən bəhs edən filmdir. Filimin ssenari müəllifi və rejissoru Vaqif Mustafayevdir.

2017-ci ildə Azərbaycan Yazıçılar Birliyinin təşəbbüsü ilə çəkilən “Kağız qəbir” filmində Xocalıda baş verən dəhşətli faciəyə diqqət çəkilib. Filmin ssenari müəlifi və rejissoru Elçin Arifoğludur.

2021- ci ildə “Xocalıya ədalət” kampaniyası çərçivəsində “Məryəm film” studiyasının çəkdiyi “Xocalının ikonası” qısametrajlı film 1992- ci il 26 fevralda Xocalıda öldürülən 5 yaşlı naməlum qızcığaza həsr olunub.

• Heydər Əliyev Mərkəzinin parkında Uşaq festivalı keçiriləcək
• Dözümlü xalqıma heykəl qoyulsun - Günün şeiri
• Vətən müharibəsi haqqında yeni film çəkilir