Kann festivalında ulduz yağışı!

Kino

Ana səhifə
Kino

Kann festivalında ulduz yağışı! - SİYAHI

15 aprel 2011

16:14

Festivalda məşhur rejissorlar, aktyor və aktrisalar, hətta prezident də iştirak edəcək.

Kulis.az-ın festivalın rəsmi saytına istinadən verdiyi xəbərə görə,
festivalın ən iddia filmlərindən biri amerikalı rejissor Malik Terrensin "Həyat ağacı" dramıdır. Filmdə məşhur aktyorlar Bred Pitt və Şon Penn çəkiliblər.

Kann festivalına dünyaşöhrətli rejissorlar danimarkalı Lars von Trier və ispan Pedro Almodovar da qatılacaq.

"Qaranlıqda rəqs edənlər", "Dalğaları yararkən" filmləri ilə tanınan rejissor Kannda bu il "Melanxoliya" dramını təqdim edəcək.

Pedro Almodovar isə "Yaşadığım dəri" adlı filmi ilə yarışacaq.
Sözügedən filmin baş rolunu Antonio Banderas oynayır. Film qızını öldürüb qaçan atanın axtarışına çıxan həkimdən bəhs edir.

Tamaşaçılarda maraq doğuracaq digər film rejissor Pyer Şollerin “Xüsusi baxış” proqramı çərçivəsində göstəriləcək "L Exercise del Etat" adlı ekran əsəridir.

Film 2007-ci il prezident seçkilərində qalib gələndən sonra keçmiş arvadını tapmağa çalışan Nikola Sarkozidən bəhs edir.

Qeyd edək ki, bu il festivala 1715 film təqdim olunub. Bunlardan 49 tammetrajlı film seçilib.