Bu gün İspaniya vətəndaş müharibəsinin başlanğıcında, 38 yaşında olarkən milliyətçilər tərəfindən öldürülmüş məşhur şair Federiko Qarsiya Lorkanın anım günüdür. Kulis.az “Günün şeiri” layihəsindən onun “Gözlənilməz” şeirini təqdim edir.
Köksündə qanlı bıçaq
səssizcə uzanıb qalıb küçədə.
Bu yerdə,
bu şəhərdə
tanıyan yox onu bircə nəfər də.
- "Əlimi əlinə öyrətmə belə" - GÜNÜN ŞEİRİ
- “Mən səndən əvvəl ölmək istərəm”-GÜNÜN ŞEİRİ
- Bənzərlərimiz yoxdu. Ya da çox uzaqdaydılar... - GÜNÜN ŞEİRİ
Necə də,
necə də titrəyir, Allah,
başının üstdəki yarımcan fənər!
Ağarır dan yeri,
açılır səhər,
açıq gözlərini döyür küləklər.
Di gəl,
bircə nəfər
qabağa durmur,
bağlamır yazığın göz qapağını.
Eləcə
uzanıb qalıb küçədə,
eləcə köksündə qanlı bir bıçaq,
bircə kəs də onu tanımır ancaq...
Tərcümə: Mahir N.Qarayev
