Kulis.az istedadlı şairə Alov İnannanın "Qadından namusu çıxanda" adlı yeni şeirini təqdim edir.

Gecənin küçələri kişilərindi,

Divarlarının içi qadınların.

• "Onun hər addımı seçim və ya məhv olmaq təhlükəsi altındadır" - Axına qarşı üzən, hamıdan kənarlaşdırılan qadın
• Nərimanovun qeydləri kitab halında çap olunacaq
• “Mədəniyyət rüzgarı” adlı tədbirlər silsiləsi həyata keçiriləcək

Divar nədi, cızıqdan danış, cızıqdan!

Cızığının içində qalmalıdı qadın.

Gülüşlərin yüksələni kişilərindi,

Havanı yarmayanı qadınların.

Öz əliylə yummalıdı qadın ağzını, kişi yumruğuna çarpılmadan

Barmaqları gülüşlərinin barmaqlığına dönməlidi.

Baxışların bütün səmti kişilərindi,

Yerə yönələni qadınların.

Başı aşağı olmayan qadın

Başıaşağılıq gətirər başının üstündəki kişilərə...

Sevginin bütün hallarda hallanması kişilərindi

Hallandırılıb ballandırılması da...

Adlıq halından çıxışlıq halına kimi...

Sevgi hallanmaz qadınlarda...

Həzzlərin bütün hərfləri kişilərindi

He-sinə he-he-he gülər,

Ə-sinə,əəəəəəəəəəəh,

Ze- lərinə zoruydu deyər...

Qadınsa namusla hesablanar:

Qadın namusa vurulanda

İki misli qədər artar

Qadından namusu çıxanda

Yerində ölüm qalar...

• "Onun hər addımı seçim və ya məhv olmaq təhlükəsi altındadır" - Axına qarşı üzən, hamıdan kənarlaşdırılan qadın
• Nərimanovun qeydləri kitab halında çap olunacaq
• “Mədəniyyət rüzgarı” adlı tədbirlər silsiləsi həyata keçiriləcək