news-inner
clock12:01 calendar-gray 02 Dekabr 2020 view-gray397 dəfə oxunub
view-gray397 dəfə oxunub

Laçınlı rəssam: “Torpağını öpəcəm, daşlarını qucaqlayacam” – Müsahibə

Kulis.az əslən laçından olan rəssam Yusif Mirzə ilə müsahibəni təqdim edir.

- Yusif müəllim, doğma rayonunuzun azad olunması münasibətilə sizi təbrik edirəm.

- Təşəkkür edirəm. Mən də xalqımızı təbrik edirəm. Cənab ali Baş komandanımıza, ordumuza təşəkkür edirəm. Şəhidlərimizə rəhmət diləyirəm.

- Hazırda keçirdiyiniz hissləri necə ifadə edərdiniz?

- Keçirdiyim hissləri həqiqətən də sözlə ifadə etmək mümkün deyil. Hər şeydən əvvəl, bu xalqımız, ölkəmiz üçün böyük qələbədir. Ölkəmizin ərazi bütövlüyü təmin olundu. O ki qaldı texniki məsələlərə - minalardan təmizlənmə, dəhlizin verilməsi, vətəndaşların ora qayıdışı – onlar da tənzimlənəcək. Bəzi jurnalistlərin fikirləri cəmiyyətdə çaşqınlıq yaradır. Biz başa düşməliyik ki, 30 il uzaq olduğumuz torpaqlara dərhal qayıda bilmərik. Səbr etmək lazımdır. Əsas odur ki, Laçın bizimdir, işğaldan azad olunub, eləcə də, işğal altında olan digər torpaqlarımız... Məncə, şəhidlərin ruhu şaddır, çünki uğrunda şəhid olduqları vətən artıq azaddır.

- Laçın qan tökülmədən alındı. Yaradıcı adam kimi bu, sizin üçün nə deməkdir?

- Düşünmürəm ki, Kəlbəcər, Laçın, Ağdam qan tökülmədən alınıb. Tökülən hər damla qan həm də bu rayonların azad olunmasına, düşmənin məğlub edilməsinə səbəb olub.

Bu üç rayonun hərbi əməliyyatlar olmadan geri alınması, ordumuzun düşməni diz çökdürməyi bahasına başa gəlib.

- Rəssam gözü ilə baxsanız, Laçınsız illərin rəngi hansıdır? Bu zolağı hansı rənglə, yaxud rənglərlə verərdiniz?

- Mənim bütün yaradıcılığım Laçınla bağlıdır. Laçın mənim bitib tükənməyən hekayətimdi. Bütün rənglərim ordan başlayır. Mən heç vaxt Laçınsız olmamışam, Laçın bizsiz olub. Laçın mənim dərdimdə, kədərimdə, nisgilimdə yaşayırdı.

- Laçınla bağlı planlarınız nədir? İlk olaraq nə edəcəksiz?

- Təkcə Laçın deyil, işğaldan azad olunmuş bütün torpaqlarımızda bərpa, quruculuq işlərində yaxından iştirak etmək istəyərdim. Əgər mənim təcrübəm, qabiliyyətimə ehtiyac olarsa, özümü xoşbəxt hiss edərəm.

- Orada yaşamağı planlayırsınızmı?

- Laçında məmnuniyyətlə yaşayaram. Görək, ömür vəfa etsə, məmnuniyyətlə yaşamaq istəyərəm. Orda yaşayar, dostlarımı ora dəvət edərdim... Göstərərdim ki, qoy hamı görsün, biz necə cənnətdən uzaq düşmüşdük və bu gün necə bir cənnəti təkrar qazanmışıq.

- Laçın deyəndə ağlınıza, gözünüzün önünə ilk nə gəlir?

- Laçın deyəndə ağlıma ilk olaraq dağlar gəlir. Ucsuz, bucaqsız gözəl dağlar... Gözlərin işlədikcə görə biləcəyin dağlar... Bir dəfə bu dağlara xeyli baxdım və bir rəssam kimi koloriti müəyyənləşdirmək istədim, sonda qərara gəldim ki, dağların koloriti gümüşüdür... Qismət olsa, gedə bilsəm, torpağını öpəcəm, bir də dağlarını, daşlarını qucaqlamaq istəyərəm, yaxın bir sirdaş kimi.

- Laçınla bağlı xüsusi əhdiniz varsa, onu da deyin, zəhmət olmasa.

- Laçınla bağlı bir sərgi arzum var. Burada onu keçirə bilməmişəm. Cəhd də eləmişdim. Yəqin qismət indiyə imiş. Ümid edirəm, artıq bunu həyata keçirə bilərəm. Hansı ki, bu sərgidə yalnız Laçına həsr etdiyim rəsmlər olacaq.

Bir də istəyərəm, Şuşaya, Laçına gedərək yenidən rəsmlər çəkim.

- Sizi bir daha təbrik edirik!

- Mən də bir daha xalqımızı təbrik edirəm.

news-inner-user

17610 məqalə

Oxşar xəbərlər

Xəbər lenti

"Xəmsə möcüzəsi" müsabiqəsinə start verildi
11:15 16 Yanvar 2021
Fuad Poladov: “Nəyə görə həbs olunduğumu bilməliydim” – Müsahibə
09:00 16 Yanvar 2021
Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021
Cəfər Cabbarlı ilə Səməd Vurğun Onu niyə anlamırdılar?
17:14 15 Yanvar 2021
Görkəmli ingilis rejissorun kitabı Azərbaycan dilində - İlk dəfə
16:30 15 Yanvar 2021
Yaşamak bir ağaç gibi... – Günün şeiri
15:51 15 Yanvar 2021
Ərə vermək üçün yaşını artırdılar, prokuror qaynı oğlunu əlindən aldı, evində ölü tapıldı - Məşhur aktrisanın film kimi həyatı
15:11 15 Yanvar 2021
Netflix “Leyli və Məcnun” filmini çəkdi: Azərbaycanlı oğlan və İndoneziyalı qız - Video
14:31 15 Yanvar 2021
Şuşaya Üzeyir bəylə qayıtmağın fəziləti
14:07 15 Yanvar 2021
Kişiləri öldürüb özü uzun yaşayan qadınlarımız: Dəhşətli statistika
13:29 15 Yanvar 2021
Tacikistan mediası "Nizami ili"ndən yazır
12:45 15 Yanvar 2021
Fransada yaşayan türk yazar: “Hər gün səhər gözümüzü qadın cinayətləri ilə açırıq” – Müsahibə
12:11 15 Yanvar 2021
Üzeyir Hacıbəyli, Natəvan və Bülbülün “güllələnmiş heykəllər”i Şuşaya qaytarıldı
12:01 15 Yanvar 2021
Ermitaj saxtakarlıqda ittiham olunur
11:35 15 Yanvar 2021
Gündüz dayı necə məşhurlaşdı?
11:03 15 Yanvar 2021
Şərif Ağayarın “Kurtlar vadisi”ni xatırladan romanı – Tənqid
10:30 15 Yanvar 2021
“Yeralaş”ın bədii rəhbəri koronavirusdan vəfat edib
09:52 15 Yanvar 2021