Ermənistanın milli kino mərkəzinin direktoru Gevorq Gevorqyan Sergey Paracanovun “Narın rəngi” filminin Kann festivalına-kino-klassika bölməsinə Ukrayna tərəfindən təqdim edilməsi haqda yayılan xəbərlərə etirazını bildirib.
Gevorqyanın sözlərinə görə, “Narın rəngi” festivalda Ermənistanın Milli Kino Mərkəzi və filmi restavrasiya edən Skorseze fondu ilə birgə təqdim olunub.
“Filmin bütün haqları Ermənistana aiddir. Ukraynalı həmkarlarımın filmin onların ölkəsinin təqdim etməsi ilə bağlı informasiya yaymağa haqları yoxdur. Mən onları anlamram”.
Cannes Classics retrospektivi 10 il əvvəl yaradılıb və proqram çərçivəsində hər il prodüser şirkətlərinin bərpa etdiyi seçilmiş köhnə filmlər nümayiş olunur.
Sayat Novaya həsr olunan “Narın rəngi” poetik kino-pritçası 1968-ci ildə “Armenfilm”də çəkilib.
Qeyd edək ki, Paracanov 1949-cu ildən 60-cı ilədək Kiyevdə Dovjenko adına kinostudiyada işləyib və Ukraynanın xalq artistidir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər