Azərbaycan Musiqi Mədəniyyəti Dövlət Muzeyinin filialı olan Niyazinin mənzil-muzeyində “Klassik musiqi həvəskarları klubu”nun növbəti silsilə tədbiri çərçivəsində Xırdalan şəhər 11 İllik Musiqi Məktəbinin müəllimi Sevinc İbrahimova və şagirdlərinin iştirakı ilə konsert təşkil olunub.
Kulis.az xəbər verir ki, tədbiri giriş sözü ilə muzeyin şöbə müdiri Əzirə Abdullayeva açaraq iştirakçıları salamlayıb və klassik musiqinin gənc nəsilə aşılanmasının əhəmiyyətindən bəhs edib.
Daha sonra muzeyin əməkdaşı Xanımbacı Abdinova çıxış edərək dahi bəstəkar Niyazinin və digər görkəmli musiqi xadimlərinin həyatı və yaradıcılıq yolları haqqında məlumat verib.
Konsert proqramında məktəbin müəllimləri Sevinc İbrahimova, Ülviyyə Əliyeva, Natavan Rəhimli, Xoşqədəm Cəfərova, Ceyhunə Mirtəhməzli, Alagöz Səmədova, Bahar Qafarzadənin şagirdləri tərəfindən ifa olunan musiqi nömrələri tamaşaçılar tərəfindən maraqla qarşılanıb.
Tədbir çərçivəsində muzeyin zəngin arxiv materiallarından, dahi bəstəkar Niyazinin və digər görkəmli musiqi xadimlərinin uşaqlıq fotoşəkillərindən ibarət slayd-şou nümayiş etdirilib.
Tədbirin sonunda Niyazinin mənzil-muzeyinin müdiri, Əməkdar mədəniyyət işçisi Rza Bayramov çıxış edərək gənc istedadlara öz təşəkkürünü bildirib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər