"BBC" britaniyalı yazar C.K. Roulinqin yaradıcılıq yolunu və gender məsələlərinə dair qalmaqallı mövqeyini araşdıran iki hissəli sənədli film sifariş edib.
Kulis.az xəbər verir ki, "Harri Potter" seriyasının müəllifi olan yazarın şəxsən iştirak etmədiyi layihə gələn il işıq yüzü görəcək.
Sənədli filmin birinci hissəsi Roulinqin uşaqlıq illərinə və milyonlarla gənci birləşdirən "Harri Potter" kainatının yaranmasına həsr olunacaq.
İkinci hissədə isə sosial medianın yüksəlişi, Şotlandiyanın müstəqilliyi, feminizm və trans icması ilə bağlı səsləndirdiyi fikirlərin yaratdığı "mədəniyyət müharibələri" təhlil ediləcək.
Ekran işi "HBO" tərəfindən çəkilən yeni "Harri Potter" serialı ətrafında qalmaqalların kəskinləşdiyi dövrə təsadüf edir.
Qeyd edək ki, yazarın icraçı prodüser olduğu serialda Albus Dambldor rolunu canlandıracaq Con Litqou bu yaxınlarda Roulinqə yönələn etirazlar səbəbindən layihədən ayrılmağı düşündüyünü, lakin sonradan qərarını dəyişdiyini demişdi.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər