Dünya şöhrətli “Most Traveled People” (MTP) klubunun təsisçisi Charles Veley-in rəhbərliyi ilə beynəlxalq səyahətçilər Qarabağ və Şərqi Zəngəzura səfər çərçivəsində Xocavənd rayonuna gəliblər.
APA-nın Qarabağ bürosu xəbər verir ki, 13 ölkədən, o cümlədən ABŞ, Kanada, Fransa, Almaniya, İsveçrə və Böyük Britaniyadan olan 40-dək səyyah Xocavənd rayonunda yerləşən Azıx mağarasında olublar.
Səyyahlara mağaranın tarixi və arxeoloji əhəmiyyəti barədə məlumat verilib.
Bildirilib ki, Azıx mağarası Cənubi Qafqazın ən böyük əhəngdaşı mağaralarından və Avrasiyanın ən qədim insan məskənlərindən biridir.
Qeyd olunub ki, Azıx mağarası 2021-ci ildə Tağlar mağarası ilə birlikdə UNESCO-nun Ümumdünya İrs Siyahısının İlkin Siyahısına daxil edilib.
Səyyahlara işğal dövründə mağarada aparılan arxeoloji tədqiqatlar barədə də məlumat verilib. Bildirilib ki, 2002-ci ildən etibarən mağarada Azərbaycanın razılığı olmadan Ermənistan arxeoloqları və xarici tədqiqatçıların iştirakı ilə qazıntılar aparılıb, əldə olunan tapıntılar Ermənistana aparılıb.
Səyyahlar buradan Şuşa şəhərinə yola düşüblər. Onların gün ərzində Ağdam şəhərinə də səfər etmələri planlaşdırılır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər