Məşhur amerikalı yazıçı Con Steynbekin 1952-ci ildə qələmə aldığı "Cənnətdən şərqə doğru" romanı əsasında Florents Pyunun baş rolda çıxış etdiyi 7 bölümlük "Netflix" serialı çəkiləcək.
Kulis.az xəbər verir ki, Zoi Kazanın ssenarisi əsasında ərsəyə gələn ekran işi ailə irsi, yaxşı və pisin mübarizəsi, azad iradə və seçimlər mövzusuna fokuslanır.
Tövratdakı Qabil və Habil rəvayətindən bəhs edən roman insanın keçmişinə və mənşəyinə baxmayaraq öz taleyini müəyyənləşdirmək imkanını müzakirəyə çıxarır.
Əsərin 1955-ci ildə Elia Kazan tərəfindən çəkilmiş məşhur filmindən fərqli olaraq, yeni platforma uyğunlaşdırması romanın ilk hissələrinə, xüsusən Keti Eyms obrazının keçmişinə və Trask ailəsinin əvvəlki nəsillərinə də geniş yer ayırır.
Qeyd edək ki, ssenari müəllifi Zoi Kazanın məhz Elia Kazanın nəvəsi olması layihəyə xüsusi rəmzi məna qazandırır.
Ana səhifə
Reels
Yazarlar
Xəbərlər