Onillər boyu Las-Veqasla eyniləşdirilən "musiqi rezidensiyası" modeli – sənətçilərin şəhər-şəhər gəzmək əvəzinə aylarla eyni səhnədə çıxış etməsi konsepti – artıq Avropada geniş yayılır.
Kulis.az xəbər verir ki, Madrid bu trendin mərkəzinə çevrilərək Şakira, Bad Banni və Selin Dion kimi ulduzların çoxsaylı konsert seriyalarına ev sahibliyi edir.
Lakin "Facua" İstehlakçıların Hüquqlarını Müdafiə Təşkilatı bu modelin dinləyicilər üçün əlavə maliyyə yükü yaratdığını bildirir.
Təşkilatın baş katibi Ruben Sançes vurğulayır ki, konsertlərin tək bir şəhərdə cəmlənməsi təşkilatçıların xərclərini azaltsa da, başqa şəhərlərdən gələn pərəstişkarlar üçün yol, otel və qidalanma kimi xərclər səbəbindən konsertə getməyin ümumi dəyərini dəfələrlə artırır.
Qeyd edək ki, modelin Avropada qalıcı olub-olmayacağını isə istehlakçıların bu qiymət siyasətinə verəcəyi kütləvi reaksiya müəyyənləşdirəcək.
Ana səhifə
Reels
Yazarlar
Xəbərlər