"Netflix" ənənəvi yayım modelindən kənara çıxaraq böyük büdcəli fantastik filmini əvvəlcə geniş kinoteatr nümayişinə çıxarmağa hazırlaşır.
Kulis.az xəbər verir ki, Qreta Qerviqin çəkdiyi "Narniya: Sehrbazın qardaşı oğlu" filminin büdcəsi 280 milyon dollar olaraq açıqlanıb. Layihənin ilk görüntüləri təqdim edilib və ekran əsərinin 2027-ci ildə tamaşaçılarla görüşəcəyi bildirilib.
C. S. Lyuisin 1955-ci ildə nəşr olunan romanı Narniya aləminin yaranmasından bəhs edir. Hadisələr 1900-cü illərin Londonunda yaşayan iki uşağın sehrli bir üzük vasitəsilə başqa dünyaya keçməsi ilə başlayır.
Filmin 12 fevral 2027-ci ildə kinoteatrlarda, aprelin 2-də isə Netflix platformasında yayımlanması planlaşdırılır. Aslan obrazını Meril Strip səsləndirir. Layihə həm büdcəsi, həm də "Netflix"in kinoteatrlara verdiyi dəyərlə diqqət çəkir.
Ana səhifə
Reels
Yazarlar
Xəbərlər