Martın 10-da Azərbaycan Teatr Xadimləri İttifaqında Milli Teatr Gününə həsr edilən tədbir keçirilib.
Kulis.az xəbər verir ki, tədbirdə Azərbaycan teatrının keçmişini və bu gününü əks etdirən videoçarx nümayiş etdirilib.
İttifaqda sədr səlahiyyətlərini icra edən, Xalq artisti Hacı İsmayılov çıxışında Azərbaycan teatrının keçdiyi tarixi yola nəzər salıb. O xatırladıb ki, Prezident İlham Əliyevin 2013-cü il 1 mart tarixli Sərəncamına əsasən martın 10-u Azərbaycanda Milli Teatr Günü kimi qeyd olunur. Bu sahədə çalışanlara dövlət qayğısı gündən-günə artır. Teatr binaları təmir və bərpa olunur, dünya standartlarına uyğun avadanlıqlarla təchiz edilir”.
Tədbir çərçisində bir qrup mədəniyyət xadimi Fəxri fərman, “Sənətkar” medalı və “Qızılgül” mükafatı ilə təltif olunub. Həmçinin “Baxış-4” festivalının qalibləri sertifikata layiq görülüb.
Çıxış edən qonaqlar Azərbaycan teatrının uğurlarından söz açıblar.
Xalq artisti Heydər Anatollu, Azərbaycan Dövlət Akademik Musiqili Teatrının aktyorları Hüseyn Əlili və Gültac Əlili maraqlı musiqi nömrələri nümayiş etdiriblər. Eyni zamanda, Azərbaycan Dövlət Gənc Tamaşaçılar Teatrının aktyorları kiçik səhnəcik ilə təbriklərini çatdırıblar.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
