Martın 15-də Azərbaycan Dövlət Milli Gənc Tamaşaçılar Teatrında quruluşçu rejissor, Əməkdar İncəsənət Xadimi Ağalar İdrisoğlunun yaradıcılığının 50 illiyi, həyat fəaliyyətinin isə 75 illik yubileyi keçirilib.
Kulis.az xəbər verir ki, Mədəniyyət və incəsənət xadimlərinin, ictimaiyyət nümayəndələrinin iştirak etdikləri yubiley tədbirinə dəvət olunan qonaqlar Xalq şairi Nəriman Həsənzadə, Xalq şairi Sabir Rüstəmxanlı, yazıçı publisist Hümbət Həsənoğlu, rəssam Hüseyn Mirtəqevi çıxış edərək rejissoru yubiley münasibəti ilə təbrik edib, onun həyat və yaradıcılığından, Azərbaycan teatrının inkişafındakı xidmətlərindən bəhs ediblər.
Teatr Xadimlər İttifaqının sədri, Xalq artisti Hacı İsmayılov yubiliyar haqqında səmimi fikirlər səsləndirib.
Daha sonra Ağalar İdrisoğlu Teatr Xadimlər İttifaqı tərəfindən "Teatr fədaisi" medalı ilə təltif olunub.
Qeyd edək ki, tədbirin davamında yubiliyarın quruluşunda bolqar dramaturqu Panço Pançevin "Dörd əkizin nağılı" adlı pyesi əsasında səhnələşdirilən eyniadlı tamaşa nümayiş olunub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər