Türkiyənin “Cümhuriyyət” qəzetinin yazarı Zeynəb Oral müsahibə aldığı dünyaca məşhur sənət adamları haqda ən yaddaqalan xatirələrindən ibarət kitab yayımlayıb.
“O sehrli insanlar” kitabı Oral 40 ilə yazdığı deyib və rəssam Salvador Dali ilə müsahibəsinin tarixçəsini danışıb: “Salvador Dali ilə bağlı həqiqətən də gülünc bir xatirəm var.
Parisdə tələbəliyimin son illəri idi. İngiltərəyə getməli idim. Bir fransız jurnalistlə kafedə nahar edirdik.
Qapı açıldı və Salvador Dali yanında bir neçə xanımla içəri daxil oldu. Çox təntənəli bir giriş oldu. Biz də yeməyimizi bitirib getmək üzrəydik.
Qarşımdakı jurnalist “Nə istərdiniz?” kimi bir şey soruşdu. “Həyatda tək istədiyim Dalidən müsahibə almaqdır”, - deyə cavab verdim. Biz qəhvəmizi içərkən ofisiantı çağırdı. Nəsə dedi. Ofisiant da Dalinin stoluna getdi...
Bir az vaxt keçdikdən sonra Dali qalxdı, yanıma gəldi. “Buyurun əmrinizdəyəm. Mənimdən müsahibə almaq istəmisiniz”, - dedi. Çox heyrətləndim, özümü itirdim, əlim ayağım əsdi. O halımı görüb: “Yaxşı. Sabah otelə gəlin danışaq”,- dedi.
Kafedən çıxdım. Yadıma düşdü ki, sabah Londona getməliyəm, biletim var. var. Nə edim nə edim...Kafeyə zəng vurdum. Dalini istədim. “Çox vacib işim çıxdı. Sabah Londona getməliyəm. Bu gün gəlsəm olar?”, - dedim. “Yaxşı, saat 4-də gəlin”, - dedi.
Dediyi vaxtda otelə getdim. Yuxarı çıxdım. Qapını döydüm, açıldı.
Salvador Dali anadangəlmə lüt idi.
O dahi bir rəssam, mən isə 19 yaşım vardı. Geriyə koridora doğru qaçmağa başladım. “Müsahibə almaq istəmirdiniz?”, - deyə arxamdan səsləndi. “İstəmirəm”, -dedim. “Niyə fikrinizdən döndünüz?”, - qışqırdı. “Çünki çılpaqsınız”, -dedim. O da: “Aaa! Üzr istəyirəm. Geyinməyi unutmuşam”, - deyə cavab verdi.
Getdi içəri, geyindi, yenə qapını açdı, oturduq, müsahibəni aldım”.
Məşhur jurnalist Zeynəb Oral Sarbon Universitetinin Teatr Araşdırmaları bölməsindən məzun olub. On beş kitab müəllifidir. 30 ildən çox “Milliyət”, daha sonra “Cümhuriyyət” qəzetində çalışıb.
Günel ƏSGƏRZADƏ
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
NKVD zindanlarında işgəncə görən panturkist eston - Onu həbsxanada çürüdən "qorxunc cırtdan" kim idi?
10:00
23 dekabr 2025
"Erməninin, rusun yiyələri olacaqdı, biz həmşərilərin yox?!" - Pişəvərinin xeyir-dua verdiyi şair haqqında
12:00
20 dekabr 2025
Arazın o tayında diz çöküb ağlayan, ermənilərin hədəf seçdiyi alim - Onun ən böyük arzusu nə idi?
15:00
14 dekabr 2025
BDU-nun ilk azərbaycanlı professoru - Onu niyə şantaj edirdilər?
15:00
12 dekabr 2025
Həbs edilən, sürgün olunan, xərçəngdən sağalan Nobel mükafatçısı - Onun köməkçisi niyə özünü asmışdı?
15:00
11 dekabr 2025
"Ağzından zəhrimar axırdı və ilan dilinə oxşar bir dil çıxarırdı" - Əbdürrəhim bəyi kimlər hədəf almışdı?
12:00
11 dekabr 2025
