Mən Günəşlər ölkəsinin qaranlıq məhbusu - Ümid Nəccarinin yeni şeirləri

Mən Günəşlər ölkəsinin qaranlıq məhbusu - Ümid Nəccarinin yeni şeirləri
7 oktyabr 2023
# 17:00

Kulis.az Ümid Nəccarinin yeni şeirlərini təqdim edir.

Bardaqda bircə udum su
hansısa dənizin dalğasıdır,
sükuta bürünüb otağımızda...
Söyüd ağaclarının budaqları
Məcnun saçlarıdır
Leylini gördükcə tellərini küləyə sovurur.
Axşamüstü küçədən keçən sərxoş oğlan
əlində bircə gül,
fitində səsləndirir sevdiyi nəğməni...
Uçub getmiş quşdan qalan bircə lələk
masmavi göy üzünü yaşadır...

Mən səndən qalan bir parça buludam
səni yaşadıram...
səni yağıram...


***

Gözlərin öncəbhədir
Əsir düşür
gedib qayıtmır gənc baxışlarım...

Səsinin minalarında ürəklər qazi,
necə ağır yaralı,
Neçə qəlblər qəlpəli...
Əllərin atəşkəsdir,
kəsir bütün səsləri,
qaytarır bütün əsirləri...

***

Günəşin gözündən uzaq,
kimsəsiz evlərin yataqlarında,
soyunur gözyaşını tənha qadınlar,
Dəniz bircə damla ilə başlanır
qadın birinci sözlə,
və sonuncu sözlə bitir qadın.
Günəşin gözündən uzaq,
Şərqdə hüznə batır şərqilər
sərxoş olmayan badələr...
Mən məcnun söyüdlər diyarında
qapıların bu tayında dayanmış bir şərqin şairi,
mən Günəşlər ölkəsinin qaranlıq məhbusu
hələ də danışan Tanrıların axtarışındayam.
Şərqdə soyunur Günəş işığını
Soyunur Məcnun Leylisini
Soyunur Nəsimi dərisini.
Bax, bu ucqarlarda duran mən,
mən bu çıxılmaz küçəsinin intihasında,
soyunuram kəlmələrimi,
soyunuram köksümdəki barmaq izlərini...

***

Gözlərin Tanrıların ölüm qorxusudur,
bir sabah yuxudan ayılmamaq kabusudur əllərin
Bu yaz darıxacağıq
Bu yay yaşlanacağıq
Bu payız solacağıq
Bu qış öləcəyik kimi düşün bir də....
Bir də düşün belə sev,
bir də belə bax...
Gözlərin Tanrıların ölüm qorxusudur
səsin iydə ağaclarının qış yuxusu.

# 2746 dəfə oxunub

Oxşar xəbərlər

“Hamlet” faciəsi əksliklər dramı kimi... – Şekspirin  məşhur “Olum, yoxsa ölüm”ü nəyə çağırış idi?

“Hamlet” faciəsi əksliklər dramı kimi... – Şekspirin məşhur “Olum, yoxsa ölüm”ü nəyə çağırış idi?

15:00 6 sentyabr 2025
Primitivizmin məşhur nümayəndəsi,  "gömrükçü" ləqəbli rəssam - Günün tablosu

Primitivizmin məşhur nümayəndəsi, "gömrükçü" ləqəbli rəssam - Günün tablosu

16:54 2 sentyabr 2025
Sadəliyin bətnindəki təntənə  - “Şahid olmaq istəyirsən?”

Sadəliyin bətnindəki təntənə - “Şahid olmaq istəyirsən?”

12:00 2 sentyabr 2025
"Diktaturanın yeganə üstünlüyü ondadır ki..." - Fransua Moriak

"Diktaturanın yeganə üstünlüyü ondadır ki..." - Fransua Moriak

10:50 1 sentyabr 2025
"Məni öldüyümə əmin olmamış dəfn etməyin!" - Onun intiharının arxasında kimlər var idi?

"Məni öldüyümə əmin olmamış dəfn etməyin!" - Onun intiharının arxasında kimlər var idi?

15:00 31 avqust 2025
Əfqanıstandan Bakıya - Heydər Əliyevin göstərişi ilə əsərləri 100 min tirajla nəşr olunan yazıçı

Əfqanıstandan Bakıya - Heydər Əliyevin göstərişi ilə əsərləri 100 min tirajla nəşr olunan yazıçı

12:00 31 avqust 2025
#
#
Ana səhifə Yazarlar Bütün xəbərlər