Müxalif lideri oynayan aktrisaya deport!

Sənət

Ana səhifə
Sənət

Müxalif lideri oynayan aktrisaya deport! - FOTO

29 iyun 2011

16:42

Nobel Sülh Mükafatının sahibi Aun San Su Çjini oynayacaq aktrisa Mişel Yeoh Myanmaya buraxılmayıb.
Fransız rejissor Luc Bessonun müxalif lider Aung San Su Çjinin həyatı haqda çəkəcəyi filmdə baş rolu oynayan Mişel Yeoh ölkəyə buraxılmayıb. Aktrisaya onun qara siyahıda olduğu üçün ölkəyə buraxılmadığı deyilib.

Müstəqillik hərəkatının lideri Birma Aun Sanın qızı Aun San Su Çji 1990-cı ildə keçirilən parlament seçkilərində 80% səs yığıb, ancaq hökumət bunu təsdiqləməyib. 1991-ci ildə Aun San Su Nobel Sülh Mükafatına layiq görülüb. Lider 20 ilə yaxın ev dustağı olub və keçən il azadlığa buraxılıb.

“Ledi” filmi üçün Myanmaya bir ay bundan əvvəl gələn aktrisa Mişel Yeoh liderlə görüşüb. Ancaq bu dəfəki səfərində aktrisa artıq ölkəyə buraxılmayacağını öyrənib. Aktrisa 1997-ci ildə Ceyms Bond filmində çəkilib.

Günel ƏSGƏRZADƏ