“Eurovision-2012”nin keçiriləcəyi yer bəlli oldu

Sənət

Ana səhifə
Sənət

“Eurovision-2012”nin keçiriləcəyi yer bəlli oldu

17 may 2011

12:37

Üstüörtülü arenanın Bayraq Meydanının yaxınlığında inşa olunacağı bildirilir

2012-ci ildə Azərbaycanda keçiriləcək “Eurovision” Beynəlxalq Mahnı Müsabiqəsi üçün yeni arena tikiləcək. Bu haqda Lent.az-a mötəbər mənbələrdən məlumat verilib.

Mənbə bildirir ki, bu məqsədlə Bayraq Meydanının yaxınlığında üstüörtülü arena inşa olunacaq. Arena idman və konsert tədbirləri üçün nəzərdə tutulacaq. Onun ən azı 20 min nəfərlik tamaşaçı tutumu olacaq. Müsabiqə gələn ilin mayında keçiriləcəyindən, tikinti işlərinə tezliklə başlanılacaq və vaxtında istifadəyə verilməsi üçün işlər intensiv həyata keçiriləcək.

Arenanın yeri xüsusən əcnəbi qonaqların diqqətini cəlb etmək məqsədilə seçilib.

Qeyd edək ki, “Eurovision-2012”nin Tofiq Bəhramov adına Respublika stadionunda keçirilmə ehtimalı səsləndirilirdi. Bu, 30 min nəfərlik tamaşaçı tutumuna malik stadionun şəhərin mərkəzində yerləşməsi və ölkənin ən böyük arenası olması ilə izah edilirdi.