Azərbaycanlı rəssamın Avstriyada sərgisi keçirilib

Sənət

Ana səhifə
Sənət

Azərbaycanlı rəssamın Avstriyada sərgisi keçirilib

13 may 2011

11:21

Vyanada yerləşən “Base-level” qalereyasında gənc rəssam Adil Yusifovun əsərlərindən ibarət sərgi açılıb.

Kulis.az-ın məlumatına görə sərgi Azərbaycan Respublikası Dövlət Neft Şirkətinin (ARDNŞ) Avstriyadakı nümayəndəliyinin maliyyə dəstəyi, Azərbaycanın Avstriyadakı səfirliyi və Avstriya-Azərbaycan Ticarət Palatası (ATAZ) ilə birgə təşkil olunmuşdur.

May ayı ərzində davam edəcək sərginin açılışında Avstriyadakı diplomatik korpusun nümayəndələri, azərbaycanlılar, yerli və xarici qonaqlar, o cümlədən müasir incəsənət əsərlərinə maraq göstərən insanlar iştirak ediblər.

ARDNŞ-in Avstriya nümayəndəliyinin direktoru Gülmirzə Cavadov açılış mərasimində çıxış edərək, sərginin dünyadan vaxtsız köçən Azərbaycanın Avstriyadakı səfiri mərhum Fuad İsmayılovun xatirəsinə həsr edildiyini bildirib.

Rəsmi hissədən sonra qonaqlara Azərbaycan mətbəxinin nümunələri təqdim edilib.

Günel ƏSGƏRZADƏ

1720 dəfə oxunub

Paylaş

Oxşar xəbərlər

50 mindən çox əsər yaratdı, kommunistlərə qoşuldu, şeir yazdı... - XX əsrin dahi rəssamı haqqında maraqlı faktlar

16:00 8 aprel 2026

Uşaqlıqda cinsi zorakılıqla üzləşdi, əsərləri qadağan edildi... - Prezidentin andiçmə mərasimində şeir oxuyan ilk afroamerikalı qadın yazıçı

15:00 5 aprel 2026

"Sən demə, ata öz arvadı ilə yenidən nikah bağlamaq üçün..." - Professor "Lal ev"dən yazdı

12:00 5 aprel 2026

Sənət