Sunami qurbanları üçün...

Sənət

Ana səhifə
Sənət

Sunami qurbanları üçün... - AKSİYA

5 may 2011

12:32

Yaponiyada baş vermiş zəlzələ və tsunami qurbanlarına yardım məqsədi ilə çıxan “Yaponiya üçün nəğmələr” albomunun satışı beş milyon dolları ötüb. Albomda Ledi Qaqa, Bob Dilan və Madonnanın hit mahnıları yer alır.

Kulis.az “Reuters” agentliyinə istinadən xəbər verir ki, dünyanın ən böyük səsyazma şirkətlərinin birgə layihəsi olan albomun bir ay əvvəl internetdə satışına başlanıb. 4 Apreldən CD formatında satışa çıxan albom iki diskdən ibarətdir.

Təşkilatçılar keçən ay satışdan əldə olunan iki milyon dolları Yaponiyanın Qırmızı Xaç Cəmiyyətinə göndəriblər. Gəlirin digər hissəsi isə bu həftənin əvvəlində öz ünvanına çatıb. 38 hitdən ibarət albomun indiyə qədər 500 min surəti satılıb.

“Yaponiya üçün nəğmələr”ə dünya klassik musiqi nümunələri, həmçinin Con Lennonun “Imagine”, Elton Conun “Don t Let The Sun Go Down On Me” mahnıları da daxil edilib.

Günel ƏSGƏRZADƏ