Qarabağ xalçaları kitablaşdı

Sənət

Ana səhifə
Sənət

Qarabağ xalçaları kitablaşdı - ÖZƏL XƏBƏR

29 aprel 2011

17:23

“Azər-İlmə” MMC “Azərbaycan xalçaları: Qarabağ qrupu”adlı illustrativ materiallar toplusunu çap edib. Bu barədə Kulis.az-a qurumdan məlumata verilib.

Təqdim edilən “Azərbaycan xalçaları bütün məktəbləri ilə” layihəsindən olan “Azərbaycan Xalçaları Qarabağ Qrupu” adlı bu kitab Azərbaycanın ayrılmaz tərkib hissəsi olan Qarabağın xalçaçılıq məktəbinə həsr edilib.

Azərbaycan və ingilis dillərində çap edilən kitabda Qarabağın keçdiyi tarixi inkişaf yolu, xalçaçılığının təşəkkülü, onun inkişafı mərhələləri, səciyyəvi xüsusiyyətləri əksini tapıb.

Qarabağ xalçaçılıq məktəbi haqqında tam təsəvvür əldə etmək üçün nadir xalçalardan hazırlanan illustrativ materiallar toplusunin əsas hissəsi “Azər-İlmə” MMC-nin “Sehrli ilmələr” qalereyasının tarixi Qarabağ xalçaları kolleksiyası və tarixi ənənələri əsasında bilavasitə “Azər-İlmə”də toxunan xalçalardan təşkil edir.

Təqdim olunan hər bir tarixi xalçanın təsviri və texniki göstəriciləri burada yerini tapmışdır.

Kitabda verilmiş bütün materiallar Qarabağın Azərbaycanın tərkib hissəsi olduğunu sübut edir. Kitabda həmçinin Qarabağın Azərbaycan tarixi və mədəniyyətinin ayrılmaz üzv hissəsi olduğunu təsdiqini tapır.

Kitabdan Azərbaycan xalçalarına maraq göstərən və bütün təbəqədən olan oxucular istifadə edə bilərlər.

Günel Əsgərzadə