Haqqında yazılanları gülünc və şantaj xarakterli hesab edən S. Aruz şairlərin İrana səfərində iştirak etmədiyini bildirdi: “Mən bu haqda indi sizdən eşidirəm. Onların ailələrinin dedikləri haqda da məlumatım yoxdur”.
- Məşhur rəssamın günlərdir axtarılan əsəri təsadüfən tapıldı
- Xose Orteqa-i-Qassetə görə ağıllı və axmaq arasındakı əsas fərq
- Üzeyir Hacıbəylinin xatirəsinə həsr olunmuş yeni nəşrlər təqdim edilib
Girovda saxlanılan şairlərdən yalnız Fərid Hüseynlə səfərdən əvvəl görüşdüyünü bildirən şair onların şeir festivalında belə iştirak edəcəklərindən xəbərsiz olub: “Uşaqların ora səfərindən mənim xəbərim olmayıb. Sadəcə olaraq Fərid mənə demişdi ki, ora getmək istəyir, yol pulu, otel xərci barədə soruşmuşdu. Mən onların səfərini nə təşkil etmişəm, nə də ki, onları ora göndərmişəm. Mən ədəbiyyatçıyam, güney ədəbiyyatını təbliğ edirəm. Hətta Şəhriyarın belə gedəcəyini bilməmişəm. Fərid bu haqda danışmamışdı, sadəcə, 1-2 nəfər dostu ilə gedəcəyini demişdi. Şair Duman Ərdəmin əlaqə telefonunu vermişdim. Şair kimi görüşmələrinə şərait yaratmaq istəmişdim”.
İran səfirliyinin Mədəniyyət Mərkəzində işləməsini də boş və mənasız sayan şair bütün bunları güneylilərə qarşı təzyiqin növbəti dalğası adlandırdı.
Kulis.az Şəhriyar Hacızadənin atası Hacı Maillə əlaqə saxlayıb. Hacı Mail də oğlunun Sayman Aruz vasitəsi ilə İrana getdiyini bildirib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
