“Gündəminfo.az” saytı iki aydan çoxdur ki, İranda girov saxlanılan şairlər Şəhriyar Hacızadə və Fərid Hüseynin İrana səfərinin təşkilatçısı kimi güneyli şair Sayman Aruzu ittiham edib. Sayta daxil olan məlumata görə şairlərimizi İrana aldadıb aparan Azərbaycan Yazıçılar Birliyində Güney Azərbaycan şöbəsinin rəhbəri S. Aruzdur. Sayt Bakıda yaşayan şairi 2004-2005-ci illərdə İranın Azərbaycandakı səfirliyinin Mədəniyyət Mərkəzində çalışdığını da iddia edib. Deyilən iddialara güneyli şairin münasibətini öyrəndik.
Haqqında yazılanları gülünc və şantaj xarakterli hesab edən S. Aruz şairlərin İrana səfərində iştirak etmədiyini bildirdi: “Mən bu haqda indi sizdən eşidirəm. Onların ailələrinin dedikləri haqda da məlumatım yoxdur”.
Girovda saxlanılan şairlərdən yalnız Fərid Hüseynlə səfərdən əvvəl görüşdüyünü bildirən şair onların şeir festivalında belə iştirak edəcəklərindən xəbərsiz olub: “Uşaqların ora səfərindən mənim xəbərim olmayıb. Sadəcə olaraq Fərid mənə demişdi ki, ora getmək istəyir, yol pulu, otel xərci barədə soruşmuşdu. Mən onların səfərini nə təşkil etmişəm, nə də ki, onları ora göndərmişəm. Mən ədəbiyyatçıyam, güney ədəbiyyatını təbliğ edirəm. Hətta Şəhriyarın belə gedəcəyini bilməmişəm. Fərid bu haqda danışmamışdı, sadəcə, 1-2 nəfər dostu ilə gedəcəyini demişdi. Şair Duman Ərdəmin əlaqə telefonunu vermişdim. Şair kimi görüşmələrinə şərait yaratmaq istəmişdim”.
İran səfirliyinin Mədəniyyət Mərkəzində işləməsini də boş və mənasız sayan şair bütün bunları güneylilərə qarşı təzyiqin növbəti dalğası adlandırdı.
Kulis.az Şəhriyar Hacızadənin atası Hacı Maillə əlaqə saxlayıb. Hacı Mail də oğlunun Sayman Aruz vasitəsi ilə İrana getdiyini bildirib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Eşq, mütaliə və ehtiras... - Tanınmış fransız rəssamın məşhur əsərləri
13:00
22 avqust 2026
“Mənə liderliyi ələ alacaq kişi lazımdır” – Məşhur "Training season" necə yarandı?
10:30
22 avqust 2026
Klassik Şərq poetikası ilə modern rəngkarlığın təfsiri - Mikayıl Abdullayevin "Füzuli" əsəri
16:05
21 avqust 2026
"Nə vaxt təslim olacağını bilməlisən..." - Məşhur "The gambler" necə yarandı?
12:30
21 avqust 2026
Modern təfəkkürlə qədim köklərin kəsişdiyi nöqtə - "İmereti – Anam mənim" tablosu
14:30
20 avqust 2026
İmpressionizmin ən böyük kolleksioneri - Paris Salonu onun əsərini niyə rədd etmişdi?
18:30
19 avqust 2026
