Anarın Xamneyiyə müraciətinə cavab verilməyib

Sənət

Ana səhifə
Sənət

Anarın Xamneyiyə müraciətinə cavab verilməyib

18 iyul 2012

14:26

“İranda həbs olunan azərbaycanlı gənc şairlərin işinə görə ölkənin dini rəhbəri ayətullah Xamneyiyə etdiyim müraciətə bu günə qədər heç bir münasibət olmayıb”.

Yazıçı bildirib ki, rəhbərlik etdiyi qurum üzərinə düşən vəzifəni yerinə yetirib, əlavə tədbirlərin görülməsi planlaşdırılmır: “Yazıçılar Birliyi Fərid Hüseyn və Şəhriyar Hacızadənin taleyinə aydınlıq gətirilməsi üçün bəyanat verib. Azərbaycan Pen-klubunun rəhbəri Çingiz Abdullayev İranın prezidenti Mahmud Əhmədnejada, mən ölkənin dini rəhbəri ayətullah Xamneyiyə şəxsən müraciət etmişik. Ayrı-ayrı yazıçılar da bu barədə yazır. Artıq nə etmək olar? Bizdən asılı olanı etmişik”.

Gənc şairlər Fərid Hüseyn və Şəhriyar Hacızadə aprelin 29-da poeziya festivalında iştirak etmək üçün İrana gediblər. Onlar mayın 2-də Təbrizdə həbs olunublar. Azərbaycan şairlərinin casusluqda ittiham olunduğu deyilir.