Con Lennonun sözləri satılır

Sənət

Ana səhifə
Sənət

Con Lennonun sözləri satılır

14 aprel 2011

16:37

“Bitlz” qrupunun solisti Con Lennonun əllə yazdığı “Lusi brilyanlarla göydə” mahnısının sözləri hərraca çıxarılır. Kulis.az-ın Reuters-ə istinadən verdiyi məlumata görə, Beverli Hillsdə yerləşən hərrac evində satılacaq əlyazmanın qiyməti 200 min dollardan başlayacaq. Hərrac mayın 14-ü və 15-i keçiriləcək.

Əlyazmada təkcə mahnı sözləri yox, həm də bir şəkil təsvir olunub. Kobud çəkilmiş şəkildə 4 nəfər pərdələr və pəncərələri olan otaqda təsvir olunub.

1967-ci ildə popularlaşan mahnı vaxtında xeyli səs-küyə səbəb olub. Belə ki, mahnıdakı sözlərin baş hərfləri – “Lucy in the Sky with Diamonds”- LSD narkotiki mənasını verir. Lennon isə bunu danıb və başqa açıqlama verib: “Oğlum bir şəkil çəkmişdi. Gətirib mənə göstərib dedi ki, bu Lusidir, göydəki brilyantlarla”.

Lennon bu sözlərdən təsirlənərək bu mahnını yazdığını bildirib. Hətta 2007-ci ildə Lusi Vodn adlı ingilis qadınının bu mahnının mənbəyi olduğu aşkarlanıb. Bundan iki il sonra 2009-cu ildə Lusi vəfat edib.

Qeyd edək ki, mahnının daxil olduğu albom “Rollinq Stounz” jurnalının keçirdiyi sorğuda 500 ən yaxşı albom siyahısına düşüb.