Gənc yazar Kəramət Böyükçölün Milli Kitab Mükafatı haqda Kulis.az-a yazılı müsahibəsi
- MKM-a qatılanda neçənci yerə çıxacağını düşünürdün?
- Səmimi deyim ki, heç bu haqda düşünməmişəm. Müsabiqə vicdanla, ədalətli keçirilsin, mən hər zaman udmağa da hazıram, uduzmağa da!
- “İyirmi” likdə adını görəndə nə düşündün?
- Mən adımın “iyirmi” liyə düşməyinə görə fəxr eləmirəm. Adının “iyirmi” liyə düşməyini qələbə hesab edənlərə, bununla böyük qürur hiss duyanlara isə, səmimi deyim ki, bir az gülümsəməyim gəlir.
- Onluğa düşməməyinin səbəbini nədə görürsən?
- Mən onluğa düşməməyimin səbəbini əsərimin layiq olmamağımda görmürəm. Ola bilsin ki, mənim əsərim müəyyən ekspertlərə layiq olmayıb. Ömrü boyu səsi ancaq qəzet köşələrindən gələn Qan Turalının və ömrü boyu ondan-bundan pul alıb tərifli yazılar yazan, bədii əsərə məhəlləçilik təfəkkürü ilə yanaşan Tehran Əlişanoğlunun burnunu ucundan o tərəfi görməməyi şübhəsiz ki, burada da təsirsiz ötüşmədi.
- Ümumən, ekspertlərin işini necə dəyərləndirirsən?
- Mən öncə də qeyd eləmişəm. Burada fəal və qeyri fəal eksperlər olub. Ən fəalları isə Tehran və Qan Turalı olub. Proses boyu eksperlərin arasında nə söhbətlər olurdusa, hər kəsin bundan xəbəri var idi. Əvvəl müəlliflər zəng eləyib eksperlərin bayramın təbrik eləyib, sonra da eksperlər onların bayramını təbrik eləyib. Tehranla Turalın burada konkret maraqları və məqsədləri olub. Onlar əsərə qiymət verməyiblər. Sənin adamın mənim siyahımda olsun, mənim də adamım sənin. Digər ekspertlər isə bu iki balaca despotun xahişini yerə salmayıblar.
- Səncə, mükafatın verilməsində obyektivlik olacaqmı?
- Bilmirəm, bunu məndən yox, fəal münsiflərdən soruş!
- Səncə, mükafat kimə veriləcək?
- Əvvəla, hər bir iştirakçıya uğurlar arzulayıram. O ki, qaldı şəxsi fikrimə, məncə, qalib ya Natiq Rəsulzadə olacaq, ya da Pərviz Cəbrayıl. Bu təkcə şəxsi yox, bir az da ictimai fikirdir.
- MKM-in növbəti müsabiqəsinə əsər verməyi düşünürsənmi?
- Mən bütün məqamlarda ədəbiyyat adına görülən bu işi alqışlayıram. Nə qədər haqsızlıq, ədalətsizlik eləsələr də Milli Mükafatın keçirilməsi yaxşı bir işdir. Ədəbiyyat həyatımın bir hissəsidir. Bu müsabiqələr mənim yazmağıma mane olmur. Növbəti romanımı yazıram. Əlbəttə, gələn ilki müsabiqəyə qədər əsərimi bitirsəm, mütləq qoşulacağam. Baykot elmək fikrim yoxdur!
Elmin Həsənli
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Soyuq mərmər, dəfn sükutu, daşlaşmış kədər... - Andrea Mantenyanın "Ölü Məsihə ağı"sı
13:30
13 sentyabr 2026
Rəsmlərin musiqi ilə vəhdəti - Arif Məlikov onu narahat edən sualların cavabını tapmağı bacarıbmı?
10:00
13 sentyabr 2026
Yaxınlarını nasist ölüm düşərgələrində itirən yazıçı - O, niyə "dərkolunmaz varlıq" motivini yaratdı?
15:00
12 sentyabr 2026
Bəs niyə sözlərin ayrılıq dadır?.. - Rüstəm Behrudinin şeirləri
14:00
12 sentyabr 2026
Saflıq və uşaqlıq travmasına hiperrealist şərh - Qotfrid Helnvaynın "“Zərərsizlərin pıçıltısı” tablosu
12:05
12 sentyabr 2026
Xəyanətin kətan üzərində təsviri - Nikolay Abilqorun "Hamlet və anası" tablosu
14:00
11 sentyabr 2026
