Marko Polo Çində olmayıb?

Sənət

Ana səhifə
Sənət

Marko Polo Çində olmayıb?

11 avqust 2011

11:48

İtalyan arxeoloqlar Marko Polonun Uzaq Şərqə heç bir səyahət etmədiyi iddiasını qaldırıblar. Yaponiyada araşdırmalar aparan italyan arxeoloqlar Polonun böyük ehtimalla Qara dəniz ətrafına qədər səyahət etdiyini deyiblər.

İddialara görə, italyan səyahətçi Polo bütün məlumatları Çin, Yaponiya və digər Şərq ölkələrinin tacirlərindən öyrənib. Polonun 1271-1291-ci illərdə yazdığı kitabı incələyən tarixçilər bəzi uyğunsuzluqlar aşkar ediblər.

Araşdırmanı aparan Napoli Universitetinin professoru Daniel Petrella: “Marko Polo Qubilay xanın (Çingiz xanın nəvəsi) Yaponiyaya etdiyi iki səfərini bir-birinə qatıb qarışdırıb” açıqlaması verib. O, həmçinin Yaponiyadakı qazıntılarda tapılan monqol donanmasına aid parçaların Polonun hekayələrində təsvir edildiyi kimi olmadığını, kitabda Qubilay xanın donanmasında və yerli adlardan bəhs edilərkən Çincə ya da monqolca deyil, fars terminlərindən istifadə olunduğunu bildirib.

Kitabında Qubilay xana xidmət etdiyini deyən Polonun adı isə Çin və ya monqol tarixçilərinin qeydlərində heç çəkilmir.

Marko Polo XIII-XIV əsrlərdə Italiyadan Orta Şərq və Orta Asiya yolu ilə Çinə səyahət edib. O, əsərlərində Azərbaycanın neftindən, habelə Şamaxı və Bərdənin ipək məmulatlarından da xəbər verib.

Günel ƏSGƏRZADƏ